Seite
zuͦ den Theſſalonicen ſern ccccxxxix Die vorred hat ein end. Vn̄ hebt an die epiſtel zuͦ den theſſa­lonicenſern. Vnd hat. v. capitel Das erſt capitel Aulus vnd Siluanus. Thimothe­us derkirch en d̓ theſſa­lonicenſer j got vnſerm vater vnnd dem herren Iheſu criſto. Genade ſey mit eüch vnd frid. Wir ſa gen danck got zuͦ allen zeytē vm̄ eüch all. thuͦnde eüer gedenckung on vnderloß in vnſern gebetten. vnnd wir gedencken des wercks eüers gelaubens vnd der arbeyt vnd der liebe. vnd der enthebung der zuͦuerſicht vnſers herren jhe ſu criſti. vor gott vnſerm vater. Lieben bruͤder. wißt eüer erwoͤ­lunge von got. wann vnſer euan gelium was nicht alleyn zuͦ eüch in dem wort. aber auch in d̓ kraft vnd in dem heyligen geyſt. vnd in maniger erfüllung. als jr wiß ſet wie gethane wir waren mitt eüch vmb eüch. vnd jr ſeyt wor­den vnſer nachuolger. vnnd des herren. Empfahent auch dz wor te in vil truͤbſale mitt der freüde des heyligen geyſts) alſo. das jr ſeyt gemachet ein bilde allen ge­laubigen in macedonia. vnnd in achaia. wan̄ von eüch iſt verme ret das wort des herren nicht al leyn in macedonia vnnd in ach­aia. Sunder auch eüer gelaube. der da iſt zuͦ got iſt volkommen an einer yegklichen ſtat. Alſo dz vns nicht nottürfftig ſey etwas zuͦreden. wann ſÿ ſelb verkündē von vns. woͤlicherley eingange wir hetten zuͦ eüch. vnnd in woͤ­licherweyß jr ſeyt bekert zuͦ gott von den abgoͤttern. zuͦ dienē got dem lebendigen. vnnd auch dem waren. vnnd zuͦ harren ſeins ſu­nes von den hymmeln Iheſum den er hatt erkücket von den tod­ten. der vns hat erloͤſet von dem künfftigen zoren. Das ander cu Ann bruͤd̓ jr ſelbs wiß ſet vnſern engang czuͦ eüch. wann er waz nit eytel. Aber wir erliten vor manig ding. vnnd gepeyni­get mit laſtern als jr wißt in phi lippis. was zuͦuerſichte wir het­ten jm̄ herren zuͦreden zuͦ eüch dz ewangeliū gots in maniger ſor­ge. Wann vnſer vnderweyſunge was nicht von der jrrſale. Noch von der vnreynigkeyt. Noch in dem falſch. Aber als wir ſeind be weret von gott das vns wurde gelaubet das ewangelium. Alſo reden wir nicht als gefallent den leüten. ſunder gott. der da bewe­ret vnſer herczen. Wan̄ wir wa­ren auch ettwen nichtt in dem wort der zuͦſchmeychlung. als jr wißt. Noch in der ſchulde der gey tigkeyt. got iſt gezeüge. Wir ſuͦ­en nicht die glori von den leüten Noch von eüch. noch von den an dern. wie wol wir eüch moͤchten P. iiij.