Transkription / Biblia, dt. [978

Die epiſtel Iude Vdas auch ein knechte jheſu chriſti Aber eī bruͦ der Iacobi. dē liebē. die da auchſind in gott dem vater. vnnd auch in criſto jheſu ein behalter. vnd auch geuordert die barmhertzigkeyt vnnd der frid. vnnd auch die liebe werde in eüch erfüllet. Allerliebſtē ich hab auch gethan alle ſorgfeltigkeyt eüch zeſchreyben von eürm gemeynem heyl. vnnd hab gehabet eüch zeſchreyben nottürfftig. klich. faſt bittendt. das jr ſtreÿt. tet eyneſt von wegen der grunt ueſte des gegeben gelauben den heyligen. wann es ſeind ettlich menſchen vndereingangen. dye ettwa vorgeſchriben ſind in das gerichte der vnguͤtigen. übertragendt die genade vnnſers herren in die vnkeüſch. vnd alleyn verlaugendt dem herſcher vnd auch vnſern lieben herren jheſum chri ſtum. Ich will eüch aber eyneſt ermanen. die jr wiſſet alle ding. das jheſus. der da hatt behalten das volcke von der erden egiptihatt auch verloren zuͦ dem andeten mal die. die da nicht habē ge laubet. Aber die engeln. dye da nicht haben jr fürſtentumb behal ten. ſunder ſÿ haben auch verlaſſen jr hauß. hatt er behalten zuͦ dē gerichte des groſſen tages mitt ewigen banden. vnder der tunckelheytt. vnnd find auch worden ein exempel. Als ſodoma vnnd gomorra. vnd die nahenden ſtet die in ſoͤlicher maß vnkeüſchten vnnd giengen ab nach dem ande ren fleyſche erleydendt die peyn des ewigen feüers. Des geleych en auch diſe vermeyligen dz flei ſche. aber ſÿe verſchmehen auch die herſchung vnnd leſteren die meyeſtat. da Michael der erczen gel krieget mit worten von dem leyb moyſi. mit dem teüfel diſpu tierendt. er torſt nicht eintragen das gericht des laſters. Aber er ſprach. Got gebiete dir diſe. aber was ſÿe nichtt wiſſen. das leſte. ren ſÿe. was ſÿe aber naturlich als die ſtummenden thier haben erkennet. in dem werden ſÿe zerſtoͤret. Wee den. die da abgangē ſind in den weg Cayn. vnd ſeind außgegoſſen in der jrrſale balaam mit dem lon. Vnnd ſeind abgangen in der widerredung chore. diſe ſein mackel wirtſchafften in jren eſſen. weydendt ſich ſelbe on vorcht. Sy ſeind wolcken on waſſer. die von den winden vmb getragen werden. herbſtlich. vn̄ vnfruchtber baum. zwir geſtor. ben auß gereütet. Die fluſſe des grauſame moͤrs außſcheynent jr zuͦſamēgieſſūg jrrende geſtirē dē diewindſpreul d̓ vinſternuſſē iſt behaltē ewigklich. Es hat vō jn weyßgeſaget der. vij. von adam Enoch alſo ſprechēt. Nemt war es kumpt d̓ herr in ſeinē tauſent heyligen zethuͦn das gericht wider alle. vnd zuͦſtraffen all vnguͦ tigen von allen jren boͤſen werck en mit dem ſÿ boͤßlich gethan ha ben. vnd von allen hertē worten