Seite
Die erſt Canonica weyſſagen zuͦ vnſern vaͤtern. ſa­gendt. Gee zuͦ diſem geſchlaͤcht. vnnd ſag zuͦ jn. Ir werdet hoͤren mit dē or. vn̄ werdt nit verſtē vn̄ ſehent werdet jr ſehen. vnd wer det nit fürſich ſe hen. Wann das hercz diß volcks iſt erfeyſtet vn̄ hoͤrte ſchwerlich mit dē orn. vnd beſchluſſen jre augē. Das ſÿ vil­leicht nit ſehen mit den augē vn̄ hoͤren mit den oren. vn̄ vernemē mit dē herczen. vnd werdē beke­ret vnd mache ſÿ geſunt. darūb eüch ſey kundt getan. daz diſe be haltſam gots iſt geſant den hey­den. vnd ſÿ werdet hoͤren. Vn̄ do er die ding hett geredt vil juden giengen auß von jm. vnd hetten vil frag vnder jn Vnd paulus be lib zwey gancze jar in ſeiner her berg. vnnd empfienge alle die do eingiengen zuͦ jm. vn̄ diſputieret mit den juden. vnd den̄ mit krie­chen. vnd prediget das reich go­tes. vn̄ leret die ding. die do ſind von dem herren jheſu criſto. mit aller zuͦuerſichte on verbietunge ſirion. Hie hat ein ende das buͦch d̓ würckunck der zwoͤlffbotten Vnd vahet an die gemeyn vorred in epiſtolas cononitas S iſt nit al ſo die ord­nung beydē kriechē die gentzlichen ſchmecken. vnd den re­chten glau­ben nachuolgen. der epiſteln ſibē die heylig heyſſen vnd beweret ſind. Als man ſÿ beſchriben vin­det in den lateyniſchen buͤchern. wie petrus an der zal der zwoͤlff­botē der erſt iſt. alſo ſind auch in der ordnung der epiſtel die ſeinē die erſten. Vnd als wir vorlang die ewangeliſten gerecht gema­chet haben zuͦ der warheyt der li nien alſo der gerechten ordnung mit gotz hilff. haben wir diſe wi der geben Vnnd nun iſt die erſt vn der jn. jacobi. petri. ij. johannis. iiij. vnd judee eyne. Vnnd alſo als ſÿ von jn außgelegt ſind getreü­lich. alſo ſind ſÿ auch augelegt getreülich in lateyniſch red von den außlegern. das ſÿ kein zwey felung den leſenden machten. no­ch manigerley der rede ſich ſelbe anfehet zuͦ vorderſt. an der ſtatt do wir geſchriben finden. in der er ſten epiſteln ſant Iohannis von der eynigkeit der heyligen driual tigkeit. in dē wir yetzund von dē vngelaubigen tulmetzſchē vil jr rung des rechten gelauben findē an dreyen ſunderlichen worten. das iſt des waſſers bluͦts. vnnd des geyſts. in ſeiner außlegunge ſeczten. vnd des vaters. vnd des worts. vnnd des geyſt zeücknuß vnderwegē lieſſen. Daran aller meyſt criſtenlicher gelaub wirtt geſtercket. vnnd des vatters. vn̄ des ſuns. vnnd des heyligen gey ſtes. ein gotheyt vnnd ein weſen wirdt beweret. Aber in den ande ren epiſteln. alſuil von vnſer. der andern außlegung vnderſchyden iſt. das beuilhe ich der kluͦgheyt