Seite
Das buch Der heymlichen keyt. Aber ſeine augē ſind als die flammen des feüers. Vn̄ auff ſeÿ nem haubt vil kron habend einen namen geſchriben. den nÿemandt erkennet nur erſelb. vnd was be­kleidet mit einē gewand. beſpren get mit bluͦt. Vnd ſein nam war de geheÿſſen das wort gotes. Vn̄ die heer die do ſind in dem hÿm­mel. nachfolgten jm auf weyſſen roſſen. bekleÿdet mit weyſſem. vn̄ reÿnē biſß. Vnd von ſeinem mū­de gieng auß ein ſchwert ſcharpff zuͦ yetwedern ſeÿttē. das er in jm erſchluͤg die voͤlcker. vnd er wirt ſÿ regieren in einer eÿßnin ruͦten vnnd er trit die preß des weyns. des grÿmmen des zorē gotes des almaͤchtigen. vnnd hat m ſeinem gewand. vnnd m ſeiner hüfft ge ſchriben. ein künig der künig. vnnd ein herr d̓ herrſchenden. Vn̄ ich ſa he einen engel ſteē in der ſun̄. vnd er ſchrÿe mit groſſer ſtÿmm. Sa­gendt allen voͤgeln. die da fliegen durch mit des hȳmels. Kommet vn̄ werdet geſamlet zuͦ dem groß ſen abenteſſen. das jr eſſet die fleÿ ſch der künig. vnd die fleÿſch der tribuner. vnd die fleÿſch der ſtar­cken. vnd die fleÿſch der roß vnd der ſiczenden auff jn. Vnd die flei ſche aller eÿgen. vnd der freÿen. vnd der kleÿnen. vnd der groſſen Vnd ich ſahe das thÿer. vnd die künig der erde. vnnd jrer heer ge­ſamelet zuͦthuͦn einen ſtreÿt mitt dem. der do ſaß auff dem roß. vnd mit ſeinem heer. vnnd das thÿer warde begriffen. vnnd mit jm der falſch weÿſſag. der do thet die zey chen vor jn. mit den er hat verfuͤ­ret die. Die do haben empfangen das zeÿchen des thÿers. vnd dÿe da anbetten ſem bildnuße. Dÿſe zweÿ wurden gelaſſen lebendige in den ſee des brinnenden feüeres vnd des ſchwebels. vnnd die an­dern wurdē erſchlagen in dem ſch­wert des ſiczenden auff dem roß. das do außgeet von ſemem mun de. vnd alle vogel wurden geſat­tet von jren fleÿſchen. Das xx Capitel Vnd ich ſahe einen en­gel abſteÿgen von dem hȳmel. der het dē ſchlüſ ſel des abgrundts. vnd ein groſſe ketten in ſeiner handt. vnd er begriff den tracken den al­ten ſchlangen. der do iſt der teüfel. vnd Sathanas. vnnd bandt jne durch tauſent jare. vnd ließ jn in den abgrundt. vnd beſchloß. vnd bezeychet über jne. Das er füran hin nitt verfuͤre die voͤlcker. biß das tauſent jar werden volendet. Vnnd nach diſen dingen muͦß er eln kleÿne zeÿte auffgeloͤſet wer­den. Vnnd ich ſahe ſtuͤl. vnnd ſÿ ſaſſen auff ſÿ. vnd das vrteÿle iſt jn gegeben. Vnnd ich ſahe die ſe­len der erſchlagen vmb die zeügk nuß Iheſu. vnnd vmb das wort gottes. Vnnd die do nicht anbet­ten das thÿer. noch ſein bild. no­ch empfiengen ſein zeÿchen an ir. en ſtÿrnen. oder an jren henden. vnd ſÿ lebten. vnd regierten mit criſto tauſent jare. vn̄ die andern der todten lebten nit biß das tau­