Seite
Das buͦch Der heymlichen ſprech kum̄. Vnnd den do dürſtet der kum̄. vnd der do wil. der nem das waſſer des lebens vergeben. wan̄ ich bezeüg einem ÿegklichen der do hoͤret die wort der weÿſſa gunge diſes buͦchs. Ob ettlicher zuͦleget diſen dingen. got wirt le­gen auff jn die plagen geſchriben in diſem buͦch. Vnnd ob ſÿ eÿner mÿndert von den worten d̓ weÿſ ſagunge diſes buͦchs. gott wirdt hinnemen ſeinē teÿl von dem buͦ­ch des lebens. vnd von der heÿli­gen ſtat. vnd von den dingen die do ſind geſchriben in diſem buͦch. Der do gibt gezeügknuß diſer dī ge. der ſpricht auch werlich ich kō me ſchier. Herr jheſu kum̄. Dÿe genad vnſers herren jheſu chriſti ſeÿ mit eüch allen. Amen. Ein ende hat das buͦch der heȳ lichen offenbarunge ſant Iohan­nes des zwoͤlffbotten vnd ewan­geliften. Diſes durchleüchtigiſt werck d̓ ganczē heiligē geſchrift. genan̄t die bibel für all ander vorgedru­cket teütſch biblē. lauterer. klarer vnd warer nach rechter gemeÿ­ner teütſch. mit hohem vnd groß­ſem fleÿß. gegen dem lateÿniſchen text gerechtuertiget. vnderſchÿd­lich punctiert. mit übergeſchriften beÿ dem meÿſten teÿle der capitel. vnd der pſalm. jren inhalt vnd vr ſach. anzeÿgende. Vnnd mit ſchoͤ­nen figuren die hÿſtorien bedeütē de. hat hie ein ende. Gedruckt dur ch Hamiſen ſchoͤſperger in d̓ lob­lichen keÿſerlichē reÿchſtat Aug ſpurg. Nach der geburt criſti des geſeczs der genaden. vierzehenhū dert vnd in dem neünczigiſten ja­re. am afftermontag vor Marti­m. Vmb woͤlliche volbringung. ſeÿ lob. glori. vnnd ere. der hohen heÿligen driualtigkeÿt. vnd eÿni gem weſen. dem vater. vnnd dem ſun. vnnd dem heÿligen geÿſt. der do lebet vnd regieret gott ewig­klich. Amen.