Seite
Offenbarung cccccviii wirdt eingeen in ſÿ. oder das do thuͦ ein verfluͦcht ding. oder lüge nur allein die do ſind geſchribē in dem buͦche des lebens vnnd des lambs. Das xxii Capitel Nnd er zeyget mir den fluß des lebendigē waſ ſers ſcheÿnper als eÿn criſtall fürgeendt von dem ſtuͦl gotes vnnd des lambs. In der mit ſeiner gaſſen. vnd vō ÿetwederm teÿl des flußs ein hol­cze des lebens bringēd zwoͤlff frü chte durch alle monedt geben jre frücht. vnd die leüber des holczs zuͦ der geſundtheÿt der voͤlckere. Vnd kein verfluͦcht ding wirdet fürbaß. vnd der ſtuͦl gottes. vnnd des lambs werdē in jr. Vnd ſein knecht werden jme dienen. vnnd werden ſehen ſein antlücze. vnnd ſeinen namen an jren ſtirnen. vn̄ die nacht wirt nit füranhin vnd werden nit bedürffen des liechtes der lateren. noch des lÿechtes der ſunnen. wann der herre got wirt ſÿ erleüchten. vnd werden regier en in die welten der welt. vnd der engel ſprache zuͦ mir. Diſe worte ſind die treüiſten. vnd war. vnd der herr got der geÿſt der weÿſſa gen hat geſendet ſeinen engel. zuͦ­zeÿgen ſeinen knechten die ding. die do muͤſſen werden ſchier. Vnd ſihe. ich kūme ſchnelligklich Der iſt ſaͤlig der do behuͤttet die wort der weÿſſagūg diſes buͦches. Ich johannes bÿn der. der do hat gehoͤ ret vnd geſehen diſe ding. Vnnd darnach do ich het gehoͤret vn̄ ge ſehen. ich viel nider. das ich anbet tet vor den fuͤſſen des engels. Der mir diſe ding zeÿget. Vnd er ſp­rach zuͦ mir. Sihe das du es nitt thuͦſt. wann ich bin dein mitkne­chte. vnnd deiner bruͤder der weÿſ ſagen. vnd der. die do behalten die wort der weÿſſagung diſes buͦch es. anbette got. Vnd er ſprach zuͦ mir. Nicht zeÿchen die worte der weÿſſagunge diſes buͦchß. wann die zeÿt iſt nahend. Der do ſcha­det. der ſchad noch. Vnd der do iſt in den vnreÿnnigkeÿten. der hebe noch an vnreÿn zuͦwerden. Vnnd der do gerecht iſt. der werde noch gerecht gemachet. Vn̄ der do hey­lig iſt. der werde noch geheÿliget. Sihe. ich kum̄ ſchier. vnnd mein lon iſt mit mir. einem ÿegklichen zuͦgeben nach ſeinen wercken. Ich bin alpha vnd o. der erſt vnd der letft. der anfang vn̄ daz end. Saͤ lig ſind die. die do waſchen jr ſto len in dem bluͦt des lambs. das jr gewalte ſeÿ in dem holcze des le­bens. vnd geen ein durch die thor in die ſtat. Aber außwendig die hund vnd die vergifftet. vnd die vnkeüſcher. vnd die manſchlech­ter. vnd die dÿener der abgoͤtter. Vnnd ein ÿegklicher. der do lüge liebhat. vnnd ſÿ thuͦt. Ich jheſus ſendet meinen engel czuͦbezeügen eüch diſe ding in den kirchen. Ich bÿn ein wurczel. vnnd das geſch laͤcht dauid. Vnd ein leüchtender ſteren. vnd ein morgenlicher. Vn̄ der geyſte. Vnnd die breüt ſpre­chen. Kumme. Der es hoͤret. der