Seite
buch Das ein butt der lebendigē waſſer die do fluſſen mit gehe vō dez liban. Stee auff aquilo. vnd kum mitteglicher wind vn̄ durchwee meinē gartē. vn̄ ſein aromathen werden flieſſen Das.V. capitel Vō beruͤffung des liebgehabten. in den nuͦßgarten. Vnnd von ſeinem lob vnd preyß Ein lieber lrū in ſeinen garten. dz er eſ­ſe die frucht ſeiner oͤpfel. Mein ſchweſter mein geſpoſs kum in meinē garten. ich hab geſchnittē meinē mirren mit meinē aromatē. Ich aſſe dē hoͤnigſam in mitt mei­nem hoͤnig. ich tranck meinē wein mit meiner milch. Mein freund eſ. ſeet vn̄ trincket vn̄ werdet truncken aller liebſten. Ich ſchlaff vn̄ mein hertz wacht. Die ſtym meines liebē iſt klopffend. Mein ſchweſter vnnd mein freundin mein taub. mein vn uermayligte thuͦ mir auff. wann mein haubt iſt vol tawes vn̄ mein wirflocken der tropffen der nacht. Ich hab mir abgezogē meinē rock. in wellicherweyß lege ich in an Ich hab gewaſchē mein füß. in welcher weyß wird ich ſie vermaligē. Mein lieber. ließ ſein hand durch das loch vn̄ mein bauch erſchrack zuͦ ſeiner beruͤrde. Ich ſtuͦnd auff das ich auſ tet meim lieben. Mein hend tropſ fen die mirrē vnd mein vinger vol des bewertiſten mirren Ich tet auſ meinem lieben dē rigel meiner thuͤr vn̄ er neygt ſich vnd gieng. Mein ſel iſt weych worden als der lieb ge­redt hat Ich ſucht in. vn̄ vand ſein nit. ich ruͦfft. vn̄ er antwurt mir nit Mich funden die hüter. die do vmb giengen die ſtat. Sie ſchluͦgē mich vnd verwunten mich. die hüter der mauren namen mir meinē mantel O ir toͤchter hieruſalez ich beſchwer euch. ob ir vindet meinē lieben. das ir im verkündet. dz ich bin ſiech vor liebe O aller ſchoͤnſte vnder dē wey ben. wie iſt dein lieber auß den lie­ben. wie gethā iſt dein lieber auß dē lieben. dz du vns haſt beſchworē al­ſo Mein lieber iſt weyß. vn̄ rot auß erwelt auß tauſenten Sein haubt iſt das beſt gold. ſein har iſt erhabē als die bleter der palmen. ſchwartz als der rab ſein augen ſeind als der tauben auff den bechlein der waſſer die do ſeind gewaſchen mit milch. vn̄ beleibet bey den volligſten flüſ ſen. ſeine wang ſind als die guͦldin kroͤnlin. oder als die kleinē gertlin der aromathen zuͦſamen geſetzt vō den apoteckern. ſein lebſen ſeind li­ligen trieffent den erſten mirrē ſein hend ſind gedretes gold. vol iacin ckten. ſein bauch iſt helffenbeine vn̄ der geſcheidē mit ſaphiren. ſein bein ſeind marmelen ſeullen die do ſind gruntfeſtet auff guldin pfeyler. ſein geſtalt iſt als des libās. erwelt als des ceders. ſein kel iſt die ſenftiſt vn̄ gātz begirlich. alſo gethan iſt mein lieber. vnd er iſt mein freund ir toͤ­chter O hieruſalem du aller ſchoͤn­ſte vnder den weyben. wohin iſt ge gangen dein lieber. wo hat ſich ge­neyget dein lieber. Vnd wir ſuͦchen in mit dir Das.VII. capitel Von der abſteygūg des liebgehab ten in dem garten Vnd vō den kuͤ­nigē vn̄ kebßweybern.