Das buch vnd er wirt geſegent in den tagen ſeiner volendūg Die erfuͤllung der weißheit iſt fürchtē dē herren. vn̄ die erfüllung vō iren früchtē. Ein yeg kliche gab erfült ſy vō irē geſchlechten. vn̄ die behaltnuß vō ire ſchetzē Die vorcht des herrē iſt ein kron der weyßheit Sy erfuͤllet den frid vnd die frucht des heyls. vn̄ ſah ſie vnnd zalt ſy Aber yetweders ſind die gab gots Die weyßheit wirt mitteylen die kunſt vn̄ die verſtētnuß der fürſichtigkeyt vn̄ erhoͤhet die glori. der die ſie halten. Die wurtzel der weyß heyt. iſt. fürchtē got. wan̄ ir eſſt lāg werig In dē ſchetzē der weißheyt iſt die vernunfft vn̄ die geiſtligkeit der wiſſenheyt. Aber die wiſſenheyt iſt ein verbannung den ſündern. Die vorcht des herrē vertreibt die ſünde wann der da iſt on vorcht. der mag nit werdē gerechtuertigt. wann der zorn ſeiner übermütigkeyt iſt ſeyn verkerūg. Der dultig wurt leyden vntz zuͦ der zeyt. vn̄ darnach kumet die widergeltūg der freude Der guͦ te ſyn verbirget ſeine wort. vntz zuͦ der zeyt. vn̄ die lebßen maniger ſpre chen auß ſeinen ſyn In den ſchetzen der weyßheit iſt die bezeychung der zucht. Aber der dienſt gots iſt ein verbannūg dē ſünder. Sun beger die weißheit. vn̄ behuͤt die gerechtig keyt vnd got gibt ſie dir. wann die weyßheit vn̄ die zucht iſt die vorcht des herrē. vnd im iſt wolgeuallent der gelaub. vn̄ die ſenſſtmuͤtigkeyt vn̄ erfuͤlt ir ſchetz Nit biß vngehor ſam vn̄ vngelaubig der vorcht des herrē. vn̄ nit nahen dich zuͦ ir mit ei nem zwifaltigē hertzen. Nit biß ein trügner in dē angeſiht der menſchē. vn̄ du wirſt nit geergert in deinen lebſen Vernem dich in in. dz du vil leicht nit valleſt. vn̄ ſetzeſt die erger nuß deiner ſele. vnd zuͦfüreſt deiner ſel die vnerſamkeit vnd got eroͤffne deine verborgene ding. vn̄ verwüſt dich in mit der ſynagogen. wan̄ du haſt dich genahent boͤßlich zuͦ dem herren. vnnd dein hertz iſt volfalſch vnd treugnuß. Das ander capitel wie wir zuͦ dem dienſt gottes vnnd zuͦ ſeiner vorcht vermanet werden. Vn̄ nahne dich zuͦ dez dienſt gots vnd ſtee in der gerechti keit. vnd in der vorcht. vn̄ fürbereit dein ſel zuͦ der verſuͦchung. nyderdruck dein hertz vn̄ leide. neyg dein or. vnd empfah die wort der verſtēt nuß. vnnd nicht eyl in die zeyt des to des. Leyd die leydūg gots. fuͤg dich zuͦ got vnd leyd dz dein lebē wachs in dem iungſten tag. alles dz dir iſt zuͦgeleget. das empfah. vnd dulde dz in ſchmertze. vnd hab die gedult in deiner demuͤtigkeit. wann dz gold wirt bewert in dem fewr. vnnd das ſilber. aber die menſchen werden an geneme in dē offen der demütigkeyt Gelaub got. vnnd er widermachet dich. vnd ſchick deinē weg. vnd hoff in in Behalt ſein vorcht. vnd eralte in ir Die ir fürchtet dē herren. ent haltet ſein erbermde vn̄ nit neiget euch vō im dz ir nicht fallet. Die ir fürchtet dē herrē. gelaubet im. vnd ewer lon wirt nit außgeruͤtet. Die ir fürchtet den herren verſeht euch an in vnd die erbermbd kumt euch im wolluſt Die ir fürchtet den her
zum Hauptmenü