Seite
Des prophetē CXI.VIIIII achſſeln vnd ewern hals. vnd thuͦt den fleyß dem künig der babilonier vn̄ ir werdet ſitzen in der erd. dye ich hab gegeben ewern vettern Vnd ob ir das. nit thuͦt. vnd die ſtym ewers gots nit hoͤrt zuͦ wercken dez kuͤnig der babilonier. ich mach ewern ge­breſten von den ſtetten iuda. vn̄ vō außwendig iheruſalem. vn̄ ich nim ab von euch die ſtym der froͤlichkeit vnd die ſtym der frewden vnnd dye ſtym des breutigams. vn̄ die ſtimm der braut. vnd alle erd wirt on füß ſteyg. von den. die do wonen in ir. Vn̄ ſy horten nit dein ſtymm. das ſie werckten dem künig der babilonier vnd du ſetzeſt deine wort. dy du haſt geredt in den henden deiner kinder der weyſſagen. Das ſye außtruͦgen die gepayn vnſer künig. vnnd dye payn vnſer vetter von irer ſtat. vnd ſih ſy ſein geworffen in der hitze der ſunnen. vnnd in dem froſt der nacht. vnnd ſeind tod in boͤſten noͤtten. in hunger. vnd in waffen. vnd in der außlaſſung. Vnnd du haſt geſetzet den tempel in dem dein nam iſt an­gerüffet. vmb dye vngerechtigkeyt des hauß iſrahel vnd des hauſs Iu da als der tag iſt O herr vnſer gott du haſt gethan in vns. nach aller deyner guͦtte. Vnnd nach aller dey­ner groſſen erbermbde. als du haſt geredt in der hand moyſi deines kin des an dem tag an dem du im gebo teſt zuͦ ſchreiben deine geſetz. vor den ſuͤnen iſrahel ſagend Ob ir nit hort mein ſtym diſe groſſe menig wirdt gekeret in ein kleins volck. wan̄ ich zerſtrew ſie. wan̄ ich weyß das mich das volck nit hort Wan̄ das volck iſt hertes halßbeyns. Vnd es wirt gekeret zuͦ ſeinem hertzen in dē land ſeiner gefengknuß. vnd ſye werden wiſſen. das ich bin der herr got. Vn̄ ich gibe in ein hertz. vnd ſy vernemē vnd oren. vnd ſy hoͤren. Vnnd ſye lo ben mich in dem land irer gefengk­nuß. vn̄ werden gedenckenß meins namen. Vn̄ ſie abkeren ſich vō iren harten rucken vnnd von iren boß­haftigkeyten. vnnd gedencken des wegs irer veter. die do ſuͤndten wi­der mich Vnd ich wider rüffē ſy in das land das ich ſchwuͦr iren vettern abraham. yſaac vnd iacob. vnd ſye herſchen ſein Vnd ich manigfaltig ſy. vnnd ſie werden nit gemindert. Vn̄ ich wil in ſetzen ein andere ewi­ge gezeugknuß das ich in ſey zuͦ eim herren. vnnd ſie werden mir in eyn volck Vnnd ich beweg fürbas nitt mein volck die ſün iſrahel von dem land das ich in gab­Das IIIIIII. Capitel Wie baruch ſein gebett beſchleuſſet vnnd das volck Iſrahel vermanet got anzeruͤffen. vnd wie er prophe­tirt das got auff erden geſehen. vn̄ mit dem menſchen wandeln wurd. d nun o her re got iſrahel. die ſeel die do iſt in den noͤtten vnd der geiſt iſt geenſtiget. ruͦfft zuͦ dir. O herre erhoͤre vnnd erbarm dich. wan̄ du biſt ein barmhertziger gott wann du ſitzeſt ewigklych. erbarm dich vnſer. vnnd wir verderben nit ewigklich Wann wir haben geſuͦn det vor dir O herre got almechtiger got iſrahel. nun hoͤre das gebet der todten iſrahel. vn̄ irer ſün. wan̄ ſye haben geſündet vor dir Vn̄ horten t iiij