Seite
Ezechielis. Die Veiſſagung in den oͤberteyl deins mantels. vnd nim aber auß in. vnnd wuͤrff ſie in mit des fewers vnd verbrenn ſie mit dem fewer. vnnd das fewer geet auß vō in in ein yeglich hauß iſrahel Di ſe ding ſpricht der herr gott Dieſſe iſt iheruſalem Ich ſatzt ſie in mitt der heyden vnd das land in ir vmbhal­tung. Vnd ſie verſchmeht mein vr­teyl das ſie mer vngütig wer. denn die heyden. vnd meyn gebott fürbas denn die land die do ſeind in irē vm kreyß Wann ſie verwurffen meyne vrteyl. vnnd gingen nit in meynen gebotten Darumb ſpricht der herre got Wan̄ ir habt uͤberwūdē die leüt dy do ſeind in ewrē vmbkreyß vnnd ir gynget nit in meynen gebotten vnd tetet nit meine vrteyl. vnd irha bet nit gewircket noch den vrteylen der heyden/ die do ſeind in ewrer vm haltung. darumb dieſe ding ſpricht der herre got Sih ich zuͦ dir. vnd ich ſelb tuͦ die vrteyl in deiner mitte vor den augen der heyden. vnnd ich thuͦ in dir die ding. die ich nit hab gethon vnnd den. dye dyeſſen ſeind geleych wird ich nit thun. vmb alle dein vn̄ mēſchlich uͤbelthat Darūb die vetter eſſē die ſün in deiner mitt vn̄ die ſuͤn eſſen ir veter Vnd ich thu die vrteil in dir. vnd zerſtrew alle dein beley­bung in einen iegklichen wind Dar umb ich leb ſpricht der herr got. nur darumb dz du haſt vermaliget mey nen heyligen in allen deinen vnme­ſchlichlichen ſunden/ vnnd in allen deynen beleydungen. vnnd ich zer­kniſch dich vnd mein aug ſchont nit vnnd ich erbarm mich nit Dein tryt­teil ſtirbt von dem ſchelm. vnd wirt werwuͤſtet mit dem hunger in dey­ner mitte vnnd das trytteyl des dey­nen vellt in dem waffen in deynem vmbkreyß Aber deynen tritteyl zer­ſtrew ich in ein yegklichen wind. vn̄ ich zeuh auß das waffen nach in Vn̄ ich erfuͤll meinen grymmigen zorn vnnd mach zeruwen meyn vnwir­digkeit in in vnnd wird getroͤſtet. vnnd ſye werden wiſſen das ich der herr hab geredt in meinem neyde. ſo ich erfuͤll all mein vngenadberkeyt inn in Vnnd ich gib dich in ein wuͤ­ſte. vnd zuͦ eim laſter den heiden die do ſeind in deiner vmbhaltung. in dem angeſiht eynes yegklichen der do fuͤrgeet. Vnd du wirſt eyn laſter vnd ein ſpot. ein exempel vnnd eyn vorcht vnder den heiden dy do ſeind in deinem eingang. So ich thu inn dir die vrteyl in dem zorn vnnd in der vnwirdigkeit. vnnd in den ſtraſ fungen des zornſ. ich der herr ich hab es geredt So ich ſend in ſie die boͤſtē geſchoß des hungers. die do werden toͤdlich. vnd die ich ſend das ich euch verwuͤſte Vund ich ſamel uͤber euch den hunger vnd zerbrich in euch dē ſtab des brots. vnnd ich laß in euch den hunger. vnd dy boͤſten tyer vntz zuͦ der verderbung. Vnnd die peſti­lentz vnnd das bluͦt geen durch dich vnd ich füre ein dz waffen uͤber dich Ich der herre. Ich hab es geredt. Das.VII. capitel vō der zerſtoͤrung des gantzen iſraheli­ſchen landes durch peſtilentz. hung er. vnd das ſchwert.