Transkription / 2 [313

Des Propheten CIIIIIIIIII. dem hauß iſrahel vnnd du wirſt ſchla fen auſſ deiner lincken ſeytten. vnd ſetz auff ir die miſſetat des hauß iſra hel in der zal der tag in den du darauff ſchleffeſt vnd nim auff ir miſſe tat Aber ich hab dir gegeben die iar irer miſſetat in der zal der tag. ccc. vnd.xxc. tag. du trage die miſſetat des hauß iſrahel Vnnd ſo du erfuͤlleſt dyeſſe ding ſchlaff zum andern mal auff deiner rechten ſeytten. vnnd du nim die miſſetat des hauß iuda/ xl. tag Ich hab dir gegeben einen tag fuͦr ein iar Ich ſprich einen tag fuͤr ein iar. vnnd du ker dein antlitz zuͦ der vmblegung iheruſalem/ vnnd dein arm wirt außgeſtreckt. vnd du weiſſag wider ſie Sih/ ich vmbgab dich mit banden/ vnnd vmbker dich nit von deiner ſeytten auff die. andern ſeytten biß das du erfuͤlleſt die tag deiner belegerūg Vn̄ du niz dir dz trayd. vn̄ gerſten vn̄ bonen vnd linſen vnd hirß vnd wicken vnd leg ſie in ein vaß. vnd mach dir brot in der zal der tag/ in den du ſchleffft vff deiner ſeytten. Iße es. cccͣ. vnnd.xxc. tag Aber dein ſpeiß die du wirſt eſſen an dem tag. wirt in der gewicht xx. maſſe Du iße es vō der zeyt vntz zuͦ der zeyt vnnd trinckſt das waſſer in der maß den ſechſten teyl hin Vn̄ du trinckes von der zeyt vntz zuͦ der zeyt Vnd du iße es als ein girſtins brot vnder den aſchen/ vnnd bedeck es in iren augen mit dem kot das do außgeet von dem menſchen. Dyeſſe ding ſpricht der herr Alſo werden eſ ſen die ſuͦn iſrahel ir brot vermaliget vnder den heyden zuͦ denlich ſye außwuͤrff/ vnnd ich ſprach ach ach ach herre got Sih meyn ſeel iſt nit vermaliget vnd das tod aß vnnd das zerriſſen von den tyeren habe ich nit geeſſen von meiner kinheyt vntz nuͦ vnd alles vnreines fleyſch gieng nit in meinen mund. Vnd er ſprach zuͦ mir/ Sih ich hab dir gegeben den miſt der ochſen fuͤr des menſchē kot vnd du macheſt dein brot in im Vn̄ er ſprach zuͦ mir Du ſun des mēſchē ſih/ ich zerkniſch den ſtaub des brots in iheruſalem vnnd ſie eſſen ir brot in der wag. vnd in der ſorgſamkeyt vnd trincken das waſſer zuͦ der maß vnd in der angſt/ das ſo ſie gebreſtē des brottes vnnd des waſſers/ ein yg licher vall zuͦ ſeinem bruder vnd ſchwelck in ſeinen miſſetaten/ Das.V. capitel Vie die zerſtoͤrung der ſtat iheruſalez vō ezechiele verkuͦndet ward vnder der beſchreybung eines ſcharpffen harſchneidendes ſchwerts vnd von der hertigkeit des belegers/ all ſo das die veter ire kinder vō hunger eſſen muſtend duſun deſ menſchen nim dir ein ſcharpſſes waffen das daſchi ret die har/ vnnd nim es vnnd fu̇r es durch dein haubt vnd durch deinen bart vnd nim dir die wag des gewichts/ vnd teyl ſie Das trytteyl verbrenn mit fewer in mit der ſtat nach der erfüllung der tag der vmblegerung. vnnd nim das trytteyl. vnnd zerſchneid es mit dem waffen in irez vmbkreiß aber das ander tritteil zer ſtrew in den winde/ vnnd emploͤſſe das waffen nach im Vnnd nim vō dann ein kleine zal/ vnnd bind ſye iij