Ezechielis Die Veiſſagung nit wider Aber zuͦ der ſtat/ zuͦ der ſich neyget zegeen das do was das erſtSo nachuolgten auch die andern. vnd kerten nit wider. Vnd aller ir leib vnd die helß. vnnd die hend. vnd die fluͦgel. vnd dye ring waren vol augen in dem vmbkrayß der vier reder. vnnd diſe reder hieß er weltzen das ich es hort Aber eins het vier ant litz Ein antlitz. das antlitz cherub vnd das ander antlitz ein antlitz deſ menſchen. vnnd in dem dritten eyn antlitz des lewen. vnnd in dem vier den ein antlitz des adlers. Vnd dye cherubin worden erhaben. ditz iſt dz tyer das ich ſah bey dem fluß thobar Vnnd ſo dy cherūb gieng ſo giengen auch die reder miteynander bey in. vnd ſo dy cherubin auffhūben ir fluͤ gel das ſie wurden erhoͤhet von der erd. die reder ſtunden nit aber ſy wa ren nahend So ſie ſtunden ſo ſtunden ſi. vnd ſo ſie wurden erhaben. ſo wurden ſie erhaben Wann der geiſt des lebens was in in. Vnnd die glori des herren was außg egangen vonn dem drewſcheufel des tempels. vnd ſtund auff die cherubin Vnd ſo dye cherubin auffhuben ir fluͦgel vonn der erde. ſie wurden erhoͤht vor mir vnd ſo ſie außgingen vnd die reder nachuolgten. Vnnd ſtund in dem eingang des tors. des hanß des herrē des auffganges der ſunnen. Vnnd die glori gots iſrahel. was ob ir. ditz iſt das tyer. das ich ſah vnder gott iſrahel bey dem fluß thobar. Vnnd ich vernam das es waren cherubin durch vier antlitz dem einen. vnnd vier fluͤgel dem einen. vnnd eyn geleichnuͦß eyner hand des menſchen vnder iren fluͦgeln Vnd die geleich nuͦß irer antlitz Sie waren die antlitz die ich ſah bey dez fluß tobar. vn̄ ire angeſiht vnnd die gehe ir aller. ein geen vor irem angeſiht. Das XI. Capitel. Wie ezechiel die todſchlahung der ihenen die zuͦ iheruſalem nach irer zerſtoͤrung überbelieben beſchriebe. Vnd wie got die zerſtrewten wider beruͤffet. vnd die ſelben penittetz thten. Hnd der geiſt hub mich auff vnnd fuͤrt mich ein zuͦ dem tor des hauß des herrē gen orient das do ſchawet gen dem auffgang der ſunnen Vnd ſeht in dem eingang des thors waren.xxv. mann vnnd ich ſah inn irer mitte iechoniam den ſun azur vnd pheltiam den ſun benaie. dye fuͤrſten des volcks vnd er ſprach zuͦ mir Du ſun des menſchen ditz ſeind die mann. die do gedencken die boßheyt. vnd trachten den boͤſten rat in der ſtat ſagend Seind denn nit neu lich gebawet die hewſer. Ditz iſt der tegel. aber wir die fleyſch. Darumb ſun des menſchen weiſſag. weiſſage von in. Vnd der geyſt des herren eylet. in mich. vnd ſprach zuͦ mir Red Diſe ding ſpricht der herr Ir hawß iſrahel als habt ir geredet vnnd ich hab erkant die gedancken ewers hertzen Ir habt manig erſchlagen inn diſer ſtatt vnnd habt erfült ir weg mit den erſchlagen/ Darumb diſe ding ſchricht der herre got Ewer erſchlagen die ir habt gelegt inn mitt ir ſeind die fleyſch. vnd ditz iſt der tegel. vn̄ ich fuͤr euch auß vō irer mitt
zum Hauptmenü