Ezechielis. Die Veiſſagung nd es ward gethan in dem ſibenden iar in dem fünfften mo­ned in dem zehenden tag des mon­des. die mann von den alten iſrahel kamen. das ſie fragten den herrē. vn̄ ſaſſen vor mir. Vnnd das wort des herren ward gethan zuͦ mir ſagend. Sun des menſchen. red zuͦ den alten iſrahel. vnnd ſprich zuͦ in Diſe ding ſpricht der herre gott/ ſeyt ir nit kumē mich zefragen. Ich leb. Wann ich antwurt euch nit ſpricht der herr got Sun des menſchen ob du vrteyleſt. ob du vrteyleſt. Zeyg in die vnmen­ſchlichen werck irer veter vnd ſprich zuͦ in Diſe ding ſpricht der herre gott An dem tag an dem ich erwelt iſra­hel. vud hubauff mein hand vmb dē geſchlecht des hauß iacob vnnd ich erſchyn in. in dem land egipti. vnd hub auff meyn hand vmb ſieſagend Ich der herr ewer gott. ann dem tag hub ich auff mein hand vmb ſie. dz ich außfuͦret von dem land egipti­in das land das ich im fürſach flyeſ­ſend mit milch vnnd mit honig das da iſt groß vnder allen landen Vn̄ ich ſprach zuͦ in. Ein yegklicher werf hin dye beleydigung ſeyner augen vnnd nit woͤlt vermaliget werden in den abtgoͤttern in demland egyp ti Ich bin der herre got Sie reytzten mich vnnd wolten mich nit hoͤren. Ein yegklicher verwarff nit die ver fluchten werck ſeiner augen. vnnd verlieſſen nit dye abtgoͤtter egipti. Vnd ich ſprach dz ich außgeußmein vnwirdigkeit uͤber ſie. vnd erfuͤllet meinen zorn in in. in mitt des lan­des egipti Vnd ich macht vmb mey nen namen das er nit wuͤrd verma­liget vor den heyden. in der mite ſie waren vnd vnder den ich in erſchyn das ich ſie außfürt von dez land egi­pti Darumb warff ich ſie auß vonn dem land egipti. vnnd fuͤret ſie auß in die wuͤſt. vnd ich gab in meine ge bot. vnd zeyget in meine vrteyl. vn̄ ſo ſie der menſch thut. er lebet in in Vnnd hieruͤber gab ich meinen ſab­bath. das es wer ein zeychen zwiſchē mir vnd in. vnnd weſten das ich der herr bin ſie heiligend Vnd dz hauß iſrahel raytzten mich in der wüſt. vn̄ gingen nit in meinen gebotten. vn̄ verwurffen meine vrteyl. ſo ſie der menſch thut er lebt in in vnd ſie ver meiligten groͤßlich meinen ſabbath Darumb ſprach ich das ich außgeuß mein zorn über ſie in der wuſt. vn̄ ſie verwuſtet Vnd ich thet vmb meinē namen. das er nit wuͤrd vermeyli­get vor den heyden. von den ich ſye außwarff in irem angeſicht Darūb hub ich auff mein hand über ſie inn der wuͤſt. das ich ſie nit einfuͤrt in dz lannd. das ich in gabe flyeſſende mit milch vnnd mit honig. eyn vorderlich land aller erde. wann ſye verwurffen meine vrteyl. vnd ging en nit in meynen gebotten. vnnd vermeligten mein ſabbaht Wan̄ ir hertz ging nach den abtgoͤttern Vn̄ mein aug ſchoͤnet uͤber ſie. das ich ſy nt erſchluͦg noch verzert in der wuſt Aber ich ſprach zuͦ iren ſunnen in der eynoͤde Nicht woͤlt geen in den ge­boͤtten ewer veter. noch behuͤtet ire vrteyl. noch verdet vermeliget von iren abtgoͤttern Ich bin der herreu­wer got Geet inn meynen gebotten vnnd behuͤtet meyne vrteyl. vnnd thut ſye. vnnd heyliget meyne ſab­bath. das ſey eyn zeychen zwiſchen