Propheten CIIIIIIIIIIII. Des mir vnnd euch. Vnnd das man wiß das ich bin der herrever got. Vnnd die ſun erzuͦrnenten mich. vnnd gin gen nit in meynen gebotten/ vnnd behuͤttē nit meine vrteyl. das ſie ſye theten. ſo ſie der menſch thut. er lebt in in. vnnd ſie vermeiligten meyne ſabbath. Vnnd ich droet in das ich außgeuß meyn. vn̄ wirdigkeyt uͤber ſie. vnnd erfuͤllet meinen zorn in in in der wuͤſte Aber ich keret ab meyn hand. vnnd thet das vmb meynen namen. das er nit wuͤrd vermeiliget vor den heyden. von den ich ſie auß­warff vor iren augen. Aber hub ich auff mein hād wider ſie in der eynoͤd das ich ſie zerſtrewet vnder die heydē vnd ſie fuͦret in die land. darumb dz ſie nit tetten meyne vrteyl. vnnd ver­wurffen meyne gebot vnnd vermei ligten meyn ſabbath. vnnd ire au­gen waren nach den abgoͤttern irer vetter Vnd darumb gab ich in gebot nit gute. vnnd die vrteyl. in den ſye nit leben vnd ich vermeiliget ſie in iren gaben. ſo ſie opfferten alles daſ da auffthut muter leyb vmb ir miſ­ſetat. vnnd ſie werden wiſſen dz ich bin der herr Darumb du ſun des mē ſchen. vmb ditz ding rede zuͦ dē hauß iſrahel. vnnd ſprich zuͦ im Diſe ding ſpricht der herre got Noch. vnnd in diſen haben mich verſpottet ewer ve ter do ſie mich verunwirdigdten vn̄ verſchmeten. vnnd do ich ſie hereyn­fuͤrt inn das land. uͤber das ich auff hub mein hand. das ich in des geb Sie ſahen ein yegklichen hohen buͦ­hel. vnd ein yegklichs weldigs holtz vnnd opfferten do ir opffer. vnd ga­bē da die reytzūg ires opffers. vnd ſa tztē do den geſchmack irer ſüſſigkeyt vnd opfferten ire opffer. Vnnd ich ſprach zuͦ in Was iſt die hoͤhe zuͦ der ir eingeet. Vnnd mein nam iſt genē net hoh vntz an diſen tag. Darumb ſprich zuͦ dem hauß iſrahel. diſe ding ſpricht der herr Ir werdet vermeyli­get in dem weg ewer veter. vnnd ge­meinſamet nach iren beleydigungē Vnnd in dem opffer ewer gab. ſo ir durchfuret ewer ſun durch das fewer ir werdet vermeiliget inn allen iren abtgoͤttern vntz heut/ vnnd ich wil euch antwurten hauß iſrahel Ich le be ſpricht der herre gott/ wann ich antwurt euch nit/ noch der gedanck ewers hertzen wirdt der ſagenden Wir werden als die heyden. vnnd als die geſchlecht der erd. das wir erē die hoͤltzer vnd die ſteyn Ich lebe ſp richt der herr got. wann ich wuͤrd re girē uͤber euch in einer ſtarcken hād vnnd inn einem außgerackten arm vnd in einer außgegoſſen vngenad berkeyt. Vnnd ich fuͤr euch auß von den voͤlckern/ vnnd ſamel euch von den landen inn den ir ſeit zerſtrewet Vnnd ich wurd regyeren uͤber euch in eyner gewaltigen hand/ vnnd in eym außgeſtrackten arm/ vnd in ey ner außgegoſſen vngnadberkeit vn̄ ich zuͦfuͤr euch in die wuſt der voͤlck­er/ vnnd will do geurteyler werden mit euch von antlitz zuͦ antlitz/ Als ich kriegt mit ewern vetern inn dem vrteyl in der wuſte des lands egipti alſo vrteyl ich euch ſpricht der herre. Vnnd ich wil euch gehorſamen mei nen cepter vnd fuer euch eyn in die band des gelubdes Vnnd ich erwel vonn euch ie vbergeer vnnd die vngütigen/ vnnd ich fuer ſye auß vonn dem lannde yres ellendes.