Seite
Des prophetē CI. IIII der herre got. Vnd ich ſende auß dz fewr in magog vnnd in den. die do wonen zuͦuerſihtigklich in den in­ſeln. Vnd ſie werden wiſſen das ich bin der herre got iſrahel. Vnnd ich mach kund meinen heyligen namē in mitt meines volcks iſrahel. vnnd ich wil nit vermeyligen meinen hei ligen namen fuͤrbas. vnd die heydē werden wiſſen. das ich bin der herre got der heylig iſrahel Seht es kūpt vnd es iſt geſchechen. ſpricht der her re got. Ditz iſt der tag von dem ich hab geredt vnd die einwoner geen auß von den ſtetten iſrahel. vn̄ zuͦn den an vnd brennen dy waffen. den ſchilt vnd das ſper. den bogen vnd die geſchoß. vnd die ſtebe der hende vnd die ſpyeßſtangen. vnnd zunden ſie an mit fewr ſiben iar. Vnnd tra gen nit die hoͤltzer von den gegentē noch zuͦnden an von den well den. wann ſie zünden an die waffen mit fewr. vnd berauben die. den dy reub waren. vnd berauben ir verwuͤſter. ſpricht der herre got. Vnd es wirdt an dem tag. ich gib gog ein genan­te ſtat. ein grab in iſrahel. dz tall der wegfertigen zuͦ dē aufgang des me­res. dz do macht erſchrecken die fuͤr­geenden. Vnd do begraben ſie gog vnd all ſein menig. vnd dz tall wirt genennet der menig gog vnnd das hauß iſrahel begraben ſie. vnd reini gen das land ſiben moned. Vnd al les volck des lands begrebt in. vn̄ in wirt ein genanter tag in dem ich bin hohgewirdet. ſprichet der herre got. vnd ſie werdē emſſigklich man̄ ne ſetzen die do vmbgeen das land dye do begraben vnnd ſuͦchen dye. die do beliben auff dem antlytz der erde. das ſie ſie reinigen. Aber nach ſiben moneden vahen ſye an zuͦſuͦ­chen. ſie vmbgeen vnnd durchgeen das land. vnd ſo ſie finden ein bein des menſchen. ſie werden ſtecken ein zeychen bey im. biß das es die todtē graber begraben in dez tale der me nig gog. Aber der nam der ſtat iſt amona. vnd ſy werden reynigen dz land. vnd du ſun des menſchen Di ſe ding ſpricht der herre got Sprich zuͦ eim yegklichen geflügel vnd zuͦ allen voͤgeln. vnnd zuͦ allen tyeren des ackers Rumpt zuͦſamen vnnd eylt vnd laufft zuͦſamen allenthal­ben zuͦ meim opfer. das ich euch opff fer eyn groß opffer. das ir eſſet dye fleyſch vnnd trincket das bluͦt. auff dē bergē iſrahel Eſſet die fleyſch der ſtarcken. vnnd trinck dz bluͦt der fuͤr ſten der erde. der wider der lemmer vnd der boͤck. vn̄ der ochſſen. vn̄ der voͤgel. vn̄ aller veyßtē ding vn̄ eſſet die veyßt in ſatheyt. vn̄ trinckt das bluͦt in trūckēheit vō dē opffer. dz ich euch opffer. vnd werdet geſatt auff meim tiſch von dem roß. vnd von dem ſtarcken reytter vnd vō allen ſtreytbern mannen. ſpricht der her­re got. vnd ich ſetz mein glori in dē leuten. vnnd alle heyden ſehen mein vrteyl. das ich tett. vnd mein hand dye ich ſetz über ſie. vnd das hauß iſ­rahel werden wiſſen. das ich bin der herre ir gott. von dem tag vn̄ füran hin. vnd die heyden werden wiſſen. das das hauß iſrahel ſey gefangen in ſeyner boßheit. Darumb das es mich ließ. vnnd ich verbarg meyn antlytz von in. vnd ich antwurt ſie in die hende der veynd. vnd all vie len ſie in dem waffen. Ich thett in nach irer vnreynikeit. vnd nach der ſuͤnde. vn̄ ich verbarg mein antlytz y iiij