Seite
Die Veiſſagung Ezechielis vnd zweyntzig ſickel vnnd fuͤnffze­hen ſickel thuͦn ein mnam. oder ein pfundt. oder alſo. Aber eyn halbes lot wirt machē zweyntzig helbling Fürwar zwentzig halbe lot vnnd fünffundzweintzig halbe lot vnnd fuͤnffzehen halbe lot werden machē ein pfund Vnd dz ſind die erſtling die ir auff heben werdet. Das ſechſt teyl eins maſſes vō der mut des ge­treydes. vnd ſechs teyleins maſſes von der mut der gerſten. Die oͤlles maß die da heyſt batus iſt ein zehen teyl eyner mut. Wann zehen ba­ti erfuͤllen ein mut Vnnd einen wi der vō der herd zweyerhundert. vō den die da erneren iſrahel. in dz opf fer. vnnd in das gantz angezuͦndet opffer. vn̄ zuͦ fridſamē opffer zuͦ rey­nigen vmb ſy. ſpricht der herre gott Alles volck der erde wirt ſchul dig diſe erſt fruͤcht dez fuͤrſten in iſrahel Vn̄ über dē fuͤrſten werdē dy gantz enzündten opffer vnd die gemeynē opffer der ſpeyß vn̄ des weyns in dē hohzeyten vnd in den newen mon­den. vnd an den ſabbathen. vnd in allen hohzeyten des hauſs iſrahel. Er ſelb wirt opffer machen für die ſünd der heyligkeit vnd das gantz entzündt opffer. vnnd die fridſamen opffer. zuͦ reinigen vmb das hauß iſ rahel. das ſpricht der herre gott. In dem erſten mon an einē tag des mo neds. nym ein vngemeyligtes kalb vō der herd der rinder. vn̄ reynigen wirſt du das heyligtumb. Vnd der prieſter ſol hynnemen von dē bluͦt des opffers dz da wirt für die ſuͤnde vn̄ wirt das legen an die turſtüdel des hauß. vn̄ in die vier winckel der hoͤh des altars. vn̄ an die tuͤrſtuͤdel der porten des innerſten vorhawß. Vnnd alſo wirſtu thuͦn an dem sibē den tag des moneds vmb eine yeg­klichen der nit hat geweſt vnd von irrung iſt betrogen. vn̄ wirſt reyni­gen vmb das hauß. In dem erſten moned an dem vierzehendē tag des moneds wirt euch die oͤſterlich hoh zeyt Siben tag werdt ir eſſen vnge ſeurtes oſterbrot. Vn̄ der fürſt wirt machen opffer an dez ſelben tag für ſich. vnd vmb alles volck der erden ein kalb für die ſünde Vnd in ſiben tagen der hohzeyt wirdt er machen ein gantz entzuͦndtes opffer dez her herren ſiben kelber. vnd ſiben vnge meyliget wider aller teglich. siben tag vnnd fuͤr die ſünde einen zyger bock alle tag. vn̄ der heyligkeit opſ fer ephi durch das kalb. vn̄ ein eph­durch den wider wirt er machen vn̄ ein. hyn des oͤls. durch iegliche ephi In dem ſibenden moned. an dem zweyntzigſten tag des moneds in der hohzeyt wirt er thuͦn alles das da oben geſprochen iſt durch ſiben tag als wol vmb dy ſuͤnd. als vmb das gantz entzündt opffer vnnd in dem opffer vnd in dem oͤl. Das XI.VII. capitel Von den gebotten opffern der für­ſten. vnd von den willigen opffern vnd von den ewigen. As ſpricht der herre got Dir porten des innerſten vorhawſs die da ſiht gen orient wirt verſchloſſen ſechs tag in den das werck geſchicht Aber an dem ſabbath wirt ſie auff gethan. vnd eingeen wirt der fürſt durch den weg der vorlaubē der por ten von außwendig. vn̄ ſteen wirt