Seite
prophetē C V Des er auff dē geſchwelle der porten. vn̄ werden machen die prieſter ir gantz entzuͦndtes opffer vnnd ir fridſam opfer. vn̄ anbetten auff dez ſchwell der porten vnd wirt außgeen Aber die port wirt nit zuͦgethan vntz biß an dē abent. Vnd das volck der er­den wirt anbitten zü der tür d̓ por ten an den feyrtagen vnnd an den newen monendē vor dē herren got. Aber dz gantz entzündt opffer wirt opffern der fürſt dem herre an dem feirtag ſechs vngemeiligte lemmer vnd einē vngemeyligten wider vn̄ der heyligkeit opffer in der maß des getreydes. die man nen̄t ephi. durch dē wider. Aber in den lemmern der heyligkeit opffer was da gibt ſeyn hande vnd des oͤls der maß dy man nennt. hyn. durch yeglich ephi. aber an dē tag des newen monedſ ein vn gemeyligtes kalb von der herd der rinder. vnd ſechs lemmer. vn̄ wider vngemeyliget werde. vnd einē ephi durch das kalb vnnd ein ephi durch die wider der heiligkeyt opffer wirt er machen. Aber von den lemmern darnach vnd ſein hand wirt finden vnd des oͤls ein hyn. durch yeglich­es ephi. Wen̄ eingeen will der fürſt ſo ſoler eingeen durch den weg der vorlauben der portē. vnd den ſelbē weg der porten ſol er wider außge­en Vn̄ wen eingeen wurt dz volck der erden in der angeſihte des herrē in dē hohzyten. der da eingeet durch die porten mitternacht. das er anbe te. der ſol außgeen durch dē weg der porten des mittemtages. Fürwar der da eingeet durch dē weg der por­tē des mittētages der gee auß durch den weg der portē gen mitternacht. Er ſol nit widerkeren durch dē weg der porten durch den er eingangen iſt. Sunder dargegē uͤber ſoller auß geen. Aber der fürſt wirt in irer mit te Mit den eingeenden wirt er eyn geen. vnnd mit den außgeern wirdt er außgeen. Vnnd in den iarmerck­ten vnd in den hohzeyten wirt das opffer ephi. durch das kalb. vnd eyn ephi durch den wider. Aber in den lemmern wurt das opffer darnach vnd ſein hand findet. vnnd des oͤls ein hyn. durch yegklichs ephi. Wen̄ aber der fuͦrſt machet eyn willigs gantz entzündtes opffer oder willi­ge fridſame opfer dem herren. ſo ſoͤll len im auffgethan werden die portē die da ſehen gen orient Vnd er wirt thuͦn ſeyn gantz entzündtes opffer vnd ſeyn fridſames opffer. vnd als man das pfligt zuͦthuͦn an dem ſab bath vnd er wirt außgeen vnnd ſol geſchloſſen werden die port wen er außgegangē iſt Vnnd ein vngemey ligts lamb des ſelben iars wirdt er machen zuͦ eim gantzen entzuͦndten opffer alle tag dem herren Stettig klich fruͤ wirt er das thuͦn. Vnd der heyligkeyt opffer wurt er machen all morgen fruͤ ein ſechßteyl eynes ephi. vnd von oͤllein dritteyl eyner hyn. das es gemiſchet werd mitt ey­nem ſemelmelbe. Ein. eelichs opfer dem herrē ein emſſigs. vnd ein ewigs Er wirt machē ein lamb zuͦ der hey ligkeit opffer. vnnd oͤll alle morgen des morgens ein gantz entzündtes opffer dem herren ewigklich Dz ſpri chet der herre got. Iſt das der fürſt gibt ein gabe einem von ſeinen ſü­nen ſein erbe beſitzen werden ſie das erblich. ſunder von ſeiner beſitzung. ob ein fürſt gibt ein gab einem von ſeinē ſuͤnen ſein erb wirt ſeiner ſüne z iij