Seite
Propheten. Des CIIIIIII. ſechs kruͦg weyns. Vnnd der kunig eret in. vnnd giengenein anzebeten durch einen yegk lichen tag Aber da nielanbettet ſeinen got Vnd der ku nig ſprach zuͦ im warumb anbeteſtu nit bel Er antwurt vnnd ſprach zuͦ im. das ich nit ere die abtgoͤtter ge­macht mit der hand. Sunder den le bendigen got. der do beſchuff den hy mel. vnd die erd. vn̄ hat den gewalt alles fleyſch. Vnd der kunig ſprach zuͦ im bedūckt dich nit dz bel ſey eyn lebēdiger gott. Oder ſihſt du nit wie vil er teglichs iſſet vnd trinckt Da­niel lachet. vnnd ſprach. Ruͤnig du ſolt nit irren. wann der abtgot iſt in wendig koͤttein. vnnd außwendig erin. Er iſſet auch nimmer. Der kü­nig ward erzuͦrnt. vnd vordert ſeyn prieſter. vn̄ ſprach zuͦ in. Nur allein ir ſaget mir. Wer der ſey der do eſſe diſe zerunge. Ir muͤſſet ſterben. Zey get ir mir aber das bel diſe ding eße So muß daniel ſterben. Wann er hat geleſtert wider bel. Vnd daniel ſprach zuͦ dem kunig. Es werd ge­than nach deinem wort Vnd der pri ſter bel waren ſibentzig on die wey­ber. vn̄ die kinder vnd die ſun. Vnd d̓ kunig kam mit daniel in den tem­pel bel. Vnd die prieſter bel ſprachē Sih wir geen auß. vnnd du kunig ſetz die eſſen. vnnd miſch den weyn vnd beſchleuß die thur vnnd bezeichē ſie mit deim vingerlein/ Vnd ſo du frw eingeeſt vindeſt du nit all ding geeſſen von bel. ſo woͤllen wir ſterbē oder daniel der da hat gelogen wid̓ vns. Sye verſahen ſich aber das ſye hetten gemacht einen verborgen ein gang vnder dem tiſch. vnd durch dē giengen ſie ein zuͦlallen zeytten. vn̄ aſſen die ding. Vnnd es ward gethon darnach da ſie waren außgegangen vnd der kunig ſetzt die ſpeiß vor bel. Daniel gebot ſeinen kinden vnd ſie brachten im aſchen. vnnd er reytert vor dem kunig durch den gantzen tempel. ſie giengen auß/ vnnd beſch luſſen die tur vnd betzeichneten ſye mit dem fingerlein des kunigs vnd gingen hin. Vnnd die prieſter gingē ein in der nacht nach irer gewonheit vnd die weiber vnd ir ſun. vnd aßē vnd truncken alle ding. Vnnd der kunig ſtund auff gar frw. vnd dani­el mit im Vnd der kunig ſprach Da niel ſeind aber gantz die zeychen Er antwurt Rünig ſie ſeind gantz Vn̄ zehand da er het aufgethan die thuͤr der künig ſah an den tiſch vnnd ſch­rei mit groſſer ſtymm. Bel du biſt groß vnnd kein trugniß iſt bey dir Vnd daniel lachet. vnnd hyelt den kunig das er nit hinein gieng inwē­dig. vnd ſprach. Sih den eſtrich. vn̄ betracht mit dē gemüt wes diſe fuß­ſteyg ſeyen. Vnd der kunig ſprach. Ich ſih die fußſteyg der mann. vnd der weyber. vnd der kinder. vnd der kunig ward erzuͦrnt. Da begrieff er die prieſter. vnnd die weyber vnd ir ſun. vnnd ſie zeygten im die verbor­gen tuͤrlein durch die ſie eingingen. vnd verzerten die ding. die da waren auff dem tiſch. Darumb der kunig erſchlug ſie. vnd antwurtet bel inn den gewalt danielis. vnd er vmbke­ret in vnd ſeinen tempel Vnnd eyn groſſer track was in der ſtat/ vnd dy babilonier erten in Vnd der kunig ſprach zuͦ danielē Sih nun magſtu nit ſagē dz diſer nit ſey ein lebēdiger got darūb anbet in Vn̄ danielſprach zuͦ dem kunig Ich anbet meinē her­rē got wann er iſt ein lebendiger gott