Seite
Danellis Die Veiſſagung vnd diſer iſt nit lebendig. Aber du künig gib mir den gewalt ſo wil ich toͤdten den tracken on waffen vnd on kolben. Vnnd der kunig ſprach. Ich gib dir in. Darumb daniel naz bech. vnd fayffte. vnd hare. vn̄ ſode es zuͦ einander vnd macht kugeln. vnd gab ſie in den mund des trackē vnd der track brach enttzwey. Vnd daniel ſprach Sih wen haſtugeeret Vnd da das hoͤrten die babilonier ſie worden groͤßlich vnwirdig. vnd ſamelten ſich wider den kunig vnnd ſprachen. Der kunig iſt worden eyn iud Er hat zerbrochen bel. vnnd den tracken hat er getoͤdtet. vn̄ d hat die prieſter auch erſchlagen Vnd da ſie warnkumen zuͦ dem künig ſie ſpra­chen. Antwurt vns danielez der da verwuͤſtet bel. vnd toͤdtet den track en anderß wir erſchlahen dich vnnd dein hauß. Vnnd da der kunig ſah das ſie vaſt vielen in in. er ward be­zwungen mit not. vnd antwurt in danielem Vnd ſie legten in in dye gruͦben der lewen. vnnd er was da ſehs tag. Wann in der gruben wa­ren ſiben lewen vnd in wurden teg­lich gegeben zwen leyb. vnd zwey ſchaff. vnd da wurden ſie in nit ge­geben das ſie verzerten danielē. Vn̄ abacuck was ein weyſſag in iudea. vnd der het gekochet ein gemuͦeß vn̄ het geriben brot in eim veßlein. vn̄ gieng auff das veld das er brecht dē ſchnittern Vnd der engel des herren ſprach zuͦ abacuck. Trag das mor­geneſſen das du haſt in babilon da­nieli. der da iſt in der gruben der le­wen. Vnd abacuck ſprach O herre. babilon geſah ich nie. vnd der gruͦ­ben wayß ich nit. Vnnd der engel des herren begriff in bey ſeiner ſchay tel. vnnd truͦg in bey dem hare ſey­nes haubts. vnd ſatzt in in babilon auff die gruͦb in der geh ſeynes gey­ſtes Vnd abacuck ruffet ſagend Da niel du diener gottes nim das mor­geneſſen das dir gott hat geſandt. Vn̄ daniel ſprach got du haſt mein gedacht. vnnd haſt nit gelaſſen. die die dich liebhaben Daniel ſtund auſ vn̄ aſſe. Vn̄ d̓ engel des herrē ſetzen wid̓ abacuck zehaͤd an ſein ſtat Dar umb der kunig kam an dem sibendē tag das er beweinet danielem. vnd kam zuͦ der grub. vnnd ſah dareyn vnd ſeht danie lſaß in mitt der lewē Vnnd der kuͤnig ſchrey mit groſſer ſtymm ſagend O herre got danieli du biſt groß. vnd er zoh in auß von der grub. vnd die da waren ein vr ſach ſeiner verdamnuß. die ließ er in die grub. vnd ſie wurden in einem augenblick verzeret vor im. Das buch danielis des propheten hat ein ende. Vnnd hebt an die vorred inn das buch der zwelff propheten. in ſolich or nung der zwoͤlff kleynen propheten iſt nit bey den hebreyſchen die da iſt bei vns latiniſchen. Vnnd darumbe nach dem als man da li­ſet. alſo ſein ſie nach einander geſetz et vnd geſchicket Ozee iſt geteylt al­ſo das er vil ſinn hat. Vnnd er iſtre den als einer der do iſt vol meiſter­licher ſpruch Iohel der prophet iſt ſchleht in dē anfāg aber in dē mittel