Transkription / 2 [459

Des Propheten C NIIIIIIIII Wen̄ mein hauß iſt wuͤſt vn̄ ir habt geeylet eyn iegklicher inn ſein hauß Darumb ſeind verbotten dy hymel uͤber euch das ſie nit gaben das taw vnd die erd iſt verbotten dz ſie nicht gebe ire frucht Vnd ich hab geruffet die trunckenheyt auff die erd vnnd auff die berg uͤber den weytzen. vnd uͤber den weyn. vnd uͤber das oͤl. vn̄ uͤber alle die ding die do fuͤrbringet die erde. vnd uͤber die menſchen. vnd uͤber die vih. vnd uͤber eyn igklich ar beit der hende Vnd zorobabel d̓ ſun ſalathiel hat gehoͤret. vnnd iheſus d̓ ſun ioſedech. der groß prieſter vnnd alle beleibung des volcks dye ſtym ſeines gots. vnd die wort agget des weyſſagen als in hat geſant der herr ir got zuͦ in vnnd alles volck hat ſie geuorcht vor dē antlitz des herrē Vn̄ aggeus der bot des herren hat geſagt von den botten des herren von dem volck ſprechēd Ich bin mit euch ſpricht der herr. Vnd der herr hat erwecket den geyſt zorobabel des ſuns ſa lathiel des hertzogen iuda. vnnd den geiſt iheſu des ſuns ioſedech des gro ſen prieſters vn̄ den geiſt der andern von allem volck. vn̄ ſie ſeind eingegangen. vnd machten das werck in dem hauß des herren der ſcharen ires gotts. Das IIII capitel wye das volck durch die volkumenheyt irs wercks geſtercket ward. Vn̄ wye geweyſſaget wirdt vō der zuͦkunfft chriſti. H de vierund zwentzigſten tag des mo nets in dem ſehſten moned in dē andern iar des kunigs darij in dē sibenden moned in dem einundtzwentzigſten tag des moneds. iſt gethan das wort des herren in d̓ hand aggei des weyſſagen ſprechēd Red zu zorobabel dez ſun ſalathiel dem hertzogen iuda. vnnd zuͦ iheſum dem ſun ioſedech dem groſſen prieſter. vnd zuͦ den uͤberbeleyblingē deſ volckes ſprechend. wer iſt verlaſſen in euch. der da hat geſehen diß hauß der in ſeiner erſten glori. Vnd was ſeht ir diſe nun. Iſt nit diß nun als ob es nit ſeet in ewern augen Vnnd nun wirt geſtercket zorobabel. ſpricht der herr. vnd wird geſtercket iheſu du ſun ioſedech du groſſer prieſter vnd wirt geſtercket alles volck der erd. ſpricht der herr der heer vnd thut das. wenn ich bin mit euch ſpricht d̓ herr der heer Dz wort dz ich euch hab gelobet. do ir auß gienget von der erd egipti. vnnd mein geyſt was in ewerm mittel. nit woͤlt euch fuͤrchtē wenn der herre der heer ſpricht. noch ein wenig zeyt. vnd ich wird bewegen den hymel vnnd die erd vnnd das meer vnd die duͦrre. Vn̄ ich wird bewegen alle voͤlcker. vnd es wirt kumen der begeret allen voͤlckern Vn̄ ich wird erfullē ditz hauß mit d̓ glori ſpricht der herr der heer. Meyn iſt das ſilber vnd mein iſt das gold. ſpricht der herr der heer Groß wirdt die ere diß letzten hawß mer denn des er ſten. ſpricht der herr der ſcharen. Vn̄ in diſer ſtat wird ich geben dē fryde. ſpricht der herr der heer In dem vierundtzwentzigſten tag des newē mo nedts inn dem andern iar darij des kuͦnigs iſt gethan das wort des herren zuͦ aggeum dem weyſſagen ſprechend Diß ſpricht got der herre Fra get die prieſter. die ee. ſprechend. Ob Eiij