Seite
Ein ander vorrēd in Co R IIIIIIIIIIII girlich. wie got hat begriffen vnſer natur. vnnd wie auch ſie werden wi­der in im begriffen. als vill. als das müglich iſt in ewigkeit. Nu wiſt dz das iſt geweſen vnſer fleyß in diſem prologo. das wir wolten geben ſich erheit des glaubens. in den dingen. dy geſchehen ſein von got durch vn̄ ſern willen. vnd was got gemeynt von ewigkeyt. das wolten wir hye nit verſchweygen. ſunder wir woltē es fleyſſigklich offenbaren. den. dye darnach wuͤrden fragen. Ein andere vorred Vber Matheum den zwoͤlf botten vnd euangeliſten. Atheus darnach alſer des erſten hat geprediget ſin euangeliuꝫ in iudea. vnnd vmb das. das er wolt wādern zuͦ den heyden. vnd darumb ſchreybt er zuͦ dem erſten dz euangelium hebreyſch. vnd dz lyeß er den bruͤdern. von dē er gyeng. zuͦ einer letz. vnd zuͦ eyner gedechtnuß. vnd als das notturftig was zuͦ ey­ner beueſtigung des glaubens. das man daſeuangelium prediget. alſo was auch notturfftig das man be­ſchribe dz euangelium wider dy vn glaubigē ketzer Vn̄ wie wol ir mer ſeind geweſen dye das euangelium haben geſchryben. Iedoch ſeind ir allein vier. die habē ein gezeugknuß der meyſterſchaft wan̄ warumb ſye verkündigen durch dz vrteil d̓ welt den glauben der heyligen driualtig keyt. Auch ſeind ſie all vier reder in dē gottes wagen. in dez ſie einfüren das euangeliū durch die predig. vn̄ das menſchlich geſchlecht wz getoͤt in vierfachem tod. vnd dz was leb­lich zuͦmachen mit ir predig. Vnnd darumb die ewangelia der andern ſeind abgeſchnitten. vnnd man hatt die nit zuͦgelaſſen Dan̄ warumb ſy wolten nit zerſtoͤren die vorbeſchri ben zall von kraft wegen der verbor gen heyligkeit. vn̄ wiſſentlich ma­theum vern mit man in eym men­ſchen. wan̄ warūb er hat fuͤrderlichē geſchriben von vnſers herren men­ſcheit. Marcus in einē lewen. darūb das er ſchrib vō vnſers herren aufer­ſteeung Lucas in eines ochſſen. dar umb das er beſchreibt vō dem opfer vn̄ von der prieſterſchaft Iohānes in einem adler. darumb dz er ſchribt vō der verborgē gotheyt. Hie iſt zuͦ wiſſen das chriſtus dē die vier euan geliſten beſchreiben. iſt geweſen eyn menſch. nach dē als er iſt geborē auß der iunckfrawē. Auch iſt er ein ochß nach dē alſer iſt geopfert. auch iſt er einlew nach dē alſer iſt erſtaͤdē vn̄ er iſt ein adler in ſeiner himelfart Itē in der figur eins menſchen. vernim die menſcheit chriſti. Vn̄ in d̓ figur eins ochßē vernim dy priſterſchafft. chriſti vn̄ in d̓ figur eins lewen. ver nim die kuͤnigklichē wirdigkeit cri­ſti Vn̄ in der figur eins adlers wirt hye auß geſprochen das ſacrament goͤttlicher wirdigkeit. Ein ende haben die vorrede. Vnnd hebet an dz euan­geli ſant Mathei des euangeliſten vnd zwoͤlfbotten. Liiij