Seite
Euangeliſten Des vetter. auß dem geborn iſt chriſtus. iſt geweſt von iechonia byß zuͦ der iunckfrawen maria. Alſo hat Ma­theus entlich außgeſprochē diſe drey mal vierzehen geſchlecht biß auf dē tag vnſers herren iheſu chriſti. Vn̄ alſo hat er gemachet eynen lauff zuͦ der zuͦkunft des herren in dem lauff er genuͦg hat getan der obgeſchribē zal. vnd die ſelben zall zuͦ dreyen ma len vierzehen beſchleuſſet in ir dy all ten vnd newen ee. vnd darzuͦ die ge bot die gebotten ſind in der alten vn̄ newen ee. Wann bey dreyen verne­men wir den glauben der heyligen driualtigkeit. aber bey dē vierzehen vernemen wir die vier euangelia d̓ newen ee. vnnd die zehen gebot der altē ee. Auch hat matheus erzeyget was er ſelber wer vnnd in welchem tyer der vier heyligen tyer. Dye do ſah der prophet Ezechiel er ward oͤſ fenlich erzeyget. Auch darzuͦ hatt er beweyſſet vnd offenbar gemacht die barmhertzigkeit die got an im erzey get hat. in dē. das in got gerüfft hatt auß der zal der offenbarē ſuͤnder in die zal der zwoͤlffbotten. vn̄ der vier euangeliſten. Auch wolt er nit ver laugen die gezeugknuß iheſu chriſti das er würcket in diſez zuͦ dreye ma­len vierzehen veter. die er do mit ge eret hat. das er durch ſie an ſich hatt genumen dye menſchlichen natur. Das aber chriſtus got iſt. vnnd iſt vereint mit der menſcheit. des zuͦge lauben iſt notturftig vnſer criſten­licher gelaube. vn̄ das er bewert die zeyt. der zuͦ dreyen mallen vierzehen vetter. vnd die ordnung. in dem eyn vater kumt nach dē andern ordenli chen. vn̄ die zal der veter der geweſt ſein zwenunduiertzig. So man dar zuͦ zwir rechent iechoniam. auch iſt notturfftig dē warhaften chriſten/ lichen gelaubē. vnd dē. die do glau­ben das chriſtus Iheſus iſt worden menſch auß dē weyb mit würckung des heyligen geiſts. Auch iſt er wor den gehorſam dem geſetz. wann er lyeß ſich beſchneyden vnd opfern in den tempel. Auch iſt er geborn auß der iunckfrawen maria vnd iſt auch gemartert in dem fleyſch. Vnnd alſo hat er gehofft all vnſer ſünde. vnd alſo hatt er uͤberwunden all vnſer boßheit mit imſelber. vnd in ſeiner eygen perſon. Darnach iſt er erſtan­den mit ſeinem leychnam. vnnd mit dem ſelben auferſteen hat er den na men des vaters. dz iſt d̓ veterlicheit widergeben den ſünen vnd dz iſt ge­ſchehen zuͦ eren den ſuͤnē gots. Auch hat er den namē der kintlicheit wid̓ geben den ſuͤnen die er hat darzuͦ ge zogen. das ſy glaubig ſind worden Vnnd das hat er getan zuͦ eren des himliſchen vaters. domit hatt er er­zeygt. das er eins iſt mit dem vater wan̄ er im geleich mitewig iſt. vnd auch. wan̄ die heylig driualtigkeyt iſt nur ein got an dem weſen. In di ſem euangelio iſt nuͦtz. dē. die do got tes des herren begirlich ſeind. dz ſye bekennen den anfangk. das mittel. vnd das ende ditz buͦchs. wann mit dem bekennen. kummen ſie in ein vol kumene bekentnuß. wie der Mathe us iſt gerüfft worden vō got auß dē zol Auch erkennen ſie dz werck ihe­ſu chriſti in diſem euangelio. vnnd darzuͦ dz ampt ſancti matbei Auch erkennen ſie in diſem euangelio die liebe gots zuͦ vns. in der lieb ermen ſche worden iſt Auch vernemen ſye in diſem euangelio das ſie werdē be