Transkription / 2 [604

Euangelium Das in dem fluß des iordans. vnd beychten ir ſünde. Vnd iohannes was be kleydet mit den haren des kemeltyrſ Vnnd ein fellin guͤrtel wz vmb ſeyn lenden. vnd er aſſe hewſchrecken vn̄ willdes honig. vnd prediget. ſagend. ein ſtercker denn ich kumpt nach mir des ich nicht bin wirdig. das ich mich neyg auffzeloͤſſen den ryemen ſeyner ſchuͦh. Ich tauff euch im waſſer. aber er wirt euch tauffen im heyligē geiſt Vn̄ es geſchah in den tagen. dz iheſus kam von nazaret galilee. vnd er ward getaufft von iohanne im iordan. Zehand ſtyg er auff von dem waſſer. vnd ſah die hymel offen. vnd den geyſt nyderſtigend als ein taub vnd beleiben auff im. vnd eyn ſtym me ward gemacht von den hymeln Du biſt meyn lieber ſun. in dir wolgeuiel ich mir. vnnd zehand tryb in auß der geyſt in der wüſt. vnd er wz in der wuſt viertzig tag vnnd viertzig nacht. vnd er ward verſucht vō dem tewfel. vnd was bey den thyrē vnd die engel dienten im. Wann darnach da iohannes was geantwurt. iheſus kam in galileam. er pre diget das ewangelij des reychs gottes. vnd ſprach wann die zeyt iſt erfuͤllet. vnd das reich gots nahet ſich berewet vnd glaubt dem ewangelium Vnd iheſus fürgieng bey dem meer galilee. Er ſah ſymo vn̄ adreā ſeinē bruͦd̓ laſſent die netz in dz meer wann ſie waren viſcher. vnnd iheſus ſprach zuͦ in kumt nach mir. vnd ich mach euch werden viſcher der menſchen. Vnnd zehand lieſſen ſye dye netz. vnd nachuolgtē im. Vn̄ er fuͤr gieng vō dānē ein wenig. vn̄ ſah ia cob zebeden. vn̄ iohannez ſeinen bruͦder. vnd da ſie in dem ſchiff zeſamen legten die netz vnnd zuͦhand vordert er ſie Vnnd ſie lieſſen zebedeum iren vater in dē ſchiff mit den lonern vn̄ nachuolgten im. Vnnd ſie giengen ein zuͦ capharnaum. vnnd zuͦ hand gieng er des ſabbaths in die ſinago gen. vnd leret ſie. vnd ſie erſchracken von ſeiner lere. wann er was ſie lerend als habend gewalt. vnd nit alſ die ſchreyber. Vnnd ein man was in irer ſynagog bekümmert von dem vn reynen geyſt. vnd er ſchry vn̄ ſprach Ieſu von nazareth. was iſt vns vn̄ dir. vor der zeyt biſtu kummen vns zeuerlieren. Ich weiß das du biſt der heylig gottes. Vnd iheſus droet im ſagend. Erſtumme. vnd gecauß vō dem menſchen. vnd der vnreyn geiſt ryß in vnnd ſchrey mit einer groſſen ſtymm. vnd gieng auß von im. vn̄ all wunderten ſie ſich. vnnd redten vnder einander ſagēd. Was iſt nun das. was iſt diſe newe lere. wann in dem gewalt gebeut er den vnreynen geyſten. vn̄ ſie ſein im gehorſas. Vn̄ zehand ſein geruh gieng auß in alle gegent galilee Vnd zuͦhand giengē ſie auß von der ſynagogen vnd kamen in das hauß ſymonis and andree mit iacob. vnd iohanne. vnd dy ſchwyger ſymonis lag ann dem fye ber. vnnd zuͦhand redten ſie mit im von ir. Er nahet ſich. begrif ir hand vnd huͦb ſie auff. vnd zuhand ließ ſie das fieber. vnd ſie dienet im. Vn̄ da es was abent. vnd die ſunnwas vndergangen. ſie brachten zuͦ im al le die da hetten das übel. vnd die da hetten den tewfel. vn̄ alle ſtat ward geſamelt zuͦ der thuͦr. vnnd er mach et vil geſund die da waren gepeyni get mit manigerley ſichtumb. vnnd warff auß manige tewfel. vnnd er