Seite
Die vorre ber den.VII. Aber die eylff iungern giengen hyn in galileam an den berg. da hin ſye heſus hett geordent. ſye ſahen in vn̄ anbetē in. aber ettlich vō in zweifel­tē Ieſus genaht ſich. vn̄ redt mit in ſagend. Mir iſt gegeben aller ge­walt in hymel vnnd auff der erde. Darumb geet auß. vnd lernt alle. vnd tauffent ſie in dem namen des vaters. vnd des ſuns. vnd des hey­ligen geyſt. lert ſie zuͦbehüten alle ding die ich euch hab gebotten Vnd ſeht. ich bin mit euch all tag vntz zuͦ der vollendung der welt. Hie hat ein end ma theus. Vnnd hebt an die vorred uͤber den ewangeliſten Marcum. Arcus der auſſerwelt ewan­geliſt gottes eyn ſun Petri des zw­elffbotten in dem tauff. vnnd auch ein iunger in der goͤtlichen rede. Er hat volfüret dye prieſterſchaft in iſrahel. vnnd nach dem leyb iſt er geweſen ein leuit. vn̄ darnach als er bekert warde zuͦ dem glauben chriſti. da beſchryb er das ewangeli. in dem welſchen land. vn̄ in dem ſelben hat er erzeyget was er ſchuldig ſei geweſen chriſto dem her­ren vnd ſeinem geſchlecht. wann er hatt beſtetigt. vnd beueſtigt den an­fangk ſeins ewangeliūs auß d̓ ſtim des propheten malachie. da er alſo ſchreybt. nempt war. ich wil euch ſen den meinen engel fuͤr ewer antlitz. Vn̄ auch nimt dē anfāgk ſeins ewā geliums auß der prophetzeyen des propheten yſaie. da er alſo ſpricht. ich bin ein ſtymm des ruffenden in der wuͤſte bereyttend dem herren den weg Auch beweyſt er dye ordnung leuitiſcher außerwelung. an dem dz die leuiten ſeind erwelt dar zuͦ. das ſie ſullen außlegen die geſchryft der propheten. Vnd ſein auch die leuitē dar zuͦ erwelt. das ſie beſunder in dē tabernackel vnd in dem tempel got ſolten dienen. Auch marcus hat er­zeyget da mit die wirdigkeyt ſeyns geſchlechtes der leuitē. wann er hatt gepredigt iohannem den tauffer dē ſun zacharie. wie das er ſey geſandt worden vnd geordnet zuͦ predigē in der ſtymm eins außſprechendē eng­els. das er ſolt beweiſen das dz wort nit alleyn fleyſch worden. vnnd be­ſunder das er ſolt beweyſen dē geyſt lichen leychnam des herren. das wir chriſten ſeyn nach der ſelen das der ſelb geyſtlich leychnam wer leben­dig worden durch die genad gottes mit der genad der goͤtlichen ſtymme vnnd daſelb iſt geſchehen in dez an­fangk ewangeliſcher predig. auff dz wer das wurd leſen. wurd nutz do von haben. Des erſten das er wurd wiſſen. wenn in dem herren. vnnd nit in den ſunden der anefangk fleyſch­licher geburt wurd zuͦgeeygent. das vernym alſo. die geburt iohānis ge­ſchah wunderlichen durch die krafft vnd durch die wuͤrckung des herren Der ander nutz iſt das des menſchen gemuͦte ſoll ſein ein wonung des ſe­ligmachers Vnnd das hatt ein be­werung auß der prophetzey yſaie. Da er alſo ſpricht. bereyt dem herrē den weg. Der drit nutz iſt. wenn der O iij