Seite
Die vorred Bancti Luce zweyen auß den wanderenden erzeÿ get in einer andern geſtalt. als dye giengen in ein dorff. vnnd die giengē vnd verkuͤnten es den andern. vnd ſie glaubten auch den nit. zuͦm iung ſten do die aylff ruetē. ieſus erſchayn in. vnd rewtet auß iren vnglaubē vnd die hertigkeyt irs hertzens. das ſie nit gelaubtē. den. die in ſahen er­ſtanden. vnd ſprach zuͦ in. Geet auß in alle welt prediget das ewangeliū aller creatur. Der do gelaubt. vnnd wurd getaufft. der wirdt behalten. Aber der nicht gelaubt der wirt ver dampt. Wann diſe zeichen nachuol gen den. die do gelauben. Sie werf­fen auß die tewfel in meym namen. ſie reden mit newen zungen. Sie he­ben auff die ſchlangen. vn̄ ob ſie icht gifftigs trincken. es ſchadet im nitt Sie legen die hende auff die ſichen. vnd ſie werden geſunt. Vnd da der herr iheſus het geret mit in. er ward empfangen in den hymel. vnd ſitzet zuͦ der gerechten gottes. Aber ſie gin gen vnd predigtē allenthalbē durch mitwuͤrckung des herren. vnd beſte­ten die predig mit den nachuolgen/ den zeichen. Hye hat ein end Marcus der ewangeliſt. vnnd hebt an die vorred uͤber den ewangeliſtē lucam Er heylig ewāgeliſt ſant lu­cas iſt geborn auß dez land ſiria. auß der ſtat anthioch­ia. die da iſt eynn haubtſtat des kuͦnigreichs ſiria. vnnd der ſelb iſt geweſt der künſt ein artzt vnnd auch iſt er geweſt ein iunger d̓ zwelffbotten. beſunder petri vn̄ pau lii. wann er hat den nachgeuolt vntz zuͦ der veriehung criſtlichs gelaubēs vntz in den tod. der ſelbig lucas hat dem herren gedienet on ſunde. wan̄ er hat nie gehabt ein weyb zuͦ der ee noch kinder. weder kinder inn der ee noch auß der ee. vnnd der ſelb lucas do er ward. lxxiiij. iar alt do ſtarb er in dem land bithinia. das vor zeytē hyeß migdonia. aber yetzundt heyſt mann es das groß frigia. vnd was vol des heyligen geyſtes. Darnach aber als matheüs der ewangeliſthett beſchryben ſein ewangelium in dem iudiſchen land in hebreyſcher ſprach vnnd murcus hett geſchryben ſeyn ewangelium in welſchen landen in krychiſcher ſprach. Darnach ward er manet lucas von dem heylige geyſt das er ſchrib das ewangelium in dē teylen achaie. das iſt in krychē land. wann das kuͤnigreich grecia hat vn der im. viij. vnd der land eins iſt ach ia. vnd er hatt gegeben zuͦbedeüten in dem anfang ſeins ewangeli. das vor in ander ewangelū beſund̓ ma­thei. vnd marci ſeind geſchryben. ee. das er ſchryb. von dem ſelbeu lucas iſt dorinn geweſt ein vorderung. vn̄ raytzung allermeyſt zeſchreibē noch dem vorgeenden ewangelium. das er wolt dz die warheyt nützlich vn̄ kurtzlich würd begriffen. Oder dar­umb was das die ſach. darumb er or dēt die ewāgeliſch hyſtori aller meiſt darumb. Das er wolt arbeiten das es nuͦtz wuͤrd. Auch wolt er arbeytē darumb das aller meyſt die menſch­eyt iheſu chriſti. der do ein ſun gotz iſt. der do künftig was in des fleyſch nach dē weyſſagen. alſo das auch ge­