Transkription / 2 [673

Bancti Coc XIIIIIIII. Luce nit ſtraffet ſein wort vor dem volck vn̄ wundertē ſich in ſeiner antwurt vnnd ſchwygen Vnd etlich der ſaduc cyer. dye da verlaugen. das ſey dye vrſtend. genahten ſich vnd fragten in ſagend. Mayſter. moyſes ſchryb. vns. ob ettlichs bruder ſtirbt. habēd ein weyb vnnd ob diſem nit werden ſuͦn das ſein bruder nem das weyb. vnd erkuͦcke den ſamen ſeinen brud̓ wann es waren ſyben bruͦder. Vnd der erſt nam eyn weyb vnnd ſtarb on ſuͤn. vnd der ander nam ſie. vnnd er ſelb ſtarb on ſuͦn. vnnd der dryt nam ſye. vnnd zugeleicherweyß ſye all ſiben. vnd ſie ſturben vnd lieſſen nit ſamen. vn̄ ſie ſeind tod. zeiungſt aller ſtarb das weyb. darumb in der aufferſteeung. welches auß im. wirt das weyb. Dann ſiben hetten ſye zuͦ eim weib. vnnd iheſus ſprach zuͦ in. Dye kinder diſer welt werden verhei rat. vnd werden geben zu der hochtzeyt. aber die. dye da werden wirdig diſer welt. vnd in der aufferſteeung vonn den todten die gemehelten ſye nit. noch nemen weyber. wann fuͦrbas muͦgen ſie nicht ſterben. wan̄ ſy ſeind geleych den engeln. vnd ſeynd die ſu̓n gots. ſo ſie ſeind ſuͤn der auff erſteeung. aber das die todten erſtee das hat moyſes erzeygt bey dē bußch als er ſagt dem herren got abrahās vnd dem got yſaacs. vnnd dem got iacobs. wann got iſt nit der todten. aber der lebendigen. Wann all lebē ſie im. vnnd etlich der ſchreyber antwurten vnnd ſprachen. Mayſter du haſt wol geſagt. vnnd fürbas getorſten ſie nie nit fragen. vnd er ſprach zuͦ in. In welcherweiß ſagen ſie das chriſtus ſey der ſun dauids. vnd dauid ſpricht in dem buch der pſalmen Der herr ſprach zu meim herren. ſitz zuͦ meiner gerechten. vntz das ich ſetz dein veind zuͦ eim ſchemel deiner füß Darumb dauid hayſt in einen herrē in welcherweiß iſt er ein ſun. vnd ſprach zuͦ ſeinen iungern. das es alles volck hoͤrt. Huͦt euch vor den ſchreybern. die woͤllen geen in langem gewand. vnd haben lieb die gruß. ann dem marckt. vnd die erſten ſtuͤll in d̓ ſynagogen. vnd die erſten rue in dē wirtſchafften. Die da verzeren dye heuſer der witwen. vnd erzeygen lāges gebet. diſe empfahen die merern verdamnung. Das IIII cap. W. ein arm wittib mit einer kleinē gab vil verdienet Wie chriſtus ſagt vō der zerſtoͤrung des tempels. vnd vō den zeychen dauor. vnd vor der letzten zeyt kunfftig. Vnd wie wir vns vor freſſerey vnd trunckenheit huͤtten ſollen. d er ſah dy reychen. die da legten ire gab in die ſchatzkammer vnd ſah auch ein arme witwe legen zwen kleyn helblin. vnnd er ſprach. Werlich ſag ich euch. das diſe arme witwe hat mer gelegt denn alle ander. wann diſe legten all in die gab gots. von dem das in benūget. Aber diſe legt auß dē das ir gebraſt. alle ir narung die ſie hette. vnnd da ettlich ſprachen von dem tempel das er wer gezyeret mit guͦtten ſteynen vnnd mit gaben. er ſprach. Diſe ding dye ir ſeht. Es kumē die tag. in dē da nit wirdt gelaſſen der ſtein auff dē ſteyn der nit werd zerbrochen. vnd ſie fra