Seite
Das Euangelium in ſeind alle ding gemacht. vnd on in iſt nichts gemacht. das da iſt ge­macht. das wz das leben. in im. vn̄ das leben was ein liecht der menſch en. vnd das liecht leuchtet in die vin ſternuſſen. vnnd die vinſternuß be­gryffen ſein nit Eyn menſch wz ge­ſant von got des namen was iohā­nes. Der kam in gezeugknuß. das er geb gezeugknuß von dem liecht. daſ ſie alle glaubten durch in. Er was nit das liecht. aber das er geb gezeug nuß vom liecht. Ein war liecht wz. das do erleuchtet einen yegklichen menſchen. kumend in diſe welt. Er was in der welt. vnd die welt iſt ge­macht durch in. vnd die welt erkant in nit. Er kam in die eigen. vnnd dy ſein empfingen in nit. Aber wyeuil in emnfingen den gab er gewalt. zuͦ merden die ſuͤne gottes. den. die da glaubten an ſein namen die da nitt ſeind auß den ſunden. noch auß dem willen des fleyſches. noch auß dem willen des mans. aber von got ge­born ſeind. Vnd das wort iſt wordē fleyſch. vnd hat gewont in vns. vn̄ wir ſahen ſein glori als des eingbo­ren von dem vatter. vol der genadē vnd der warheyt. Iohannes gibt gezeugknuß von im. vnnd ruͦfft ſa­gend. Diſer iſt. den ich ſagt. der uach mir iſt kunftig. vor mir iſt worden. wann er was ee denn ich. vnnd von ſeiner volkumenheit empfingē wir all genad. vmb genad. wann dz ge­ſatz iſt gegeben durch moyſen. aber die genad vnd warheyt iſt gemachet durch iheſum chriſtum. Reiner ſahe nye got. nur der eingeborn ſun. d̓ da iſt in der ſchoß des vatters. erſelb ver kundt es. vnd diß iſt die zewgkniß io hannis. da die iuden von iheruſaleꝫ ſandten zuͦ im die prieſter vnd die le­uiten das ſie in fragten. Du wer biſt du. vnnd er veriah. vnnd laugent nit vnd veriah. wan̄ ich bin nit chriſtus vnnd ſie fragten in. was biſtu aber. Biſt du helias. vn̄ er ſprach Ich bin ſein nicht. Biſtu ein weiſſag. vnd er antwurt nein. Darumb ſie ſprachen zuͦ im. Wer biſtu das wir antwurt geben. den. die vns haben geſant. nz ſagſtu von dir ſelber. er ſprach. Ich bin ein ſtymm des ruffenden in der wuͤſte. richtet den weg des herrē. als yſaias der weyſſag ſprach. vnd dye da warn geſant. die warn vonn den gleichſnern. vnd ſie fragten in vnd ſprachen zuͦ im. Was tauffſtu dann ſo du nit biſt chriſtus. noch helyas. noch ein weyffage. Iohannes ant­wurdt in ſagend. Ich tauff inn dem waſſer. Aber in der mitt vndereuch iſt einer geſtanden den ir nicht wiſ­ſet. der ſelb iſt. der noch mir iſt künf tig. der vor mir iſt gemacht. des ich nit bin wirdig. das ich entbinde den ryemen ſeines geſchuhs. Diſe dyng geſchahen inn bethania ienhalb des iordans. da iohannes was tauffen. Ann dem andern tag iohannes ſah iheſum kummen zuͦ im vnnd ſprach Seht das lamb gottes. ſehe der da abnympt die ſund der welt. diſer iſt von dem ich ſagt. Nach mir kumpt ein man. d̓ vor mir iſt gemacht. wann er was ee denn ich. vnd ich wiſt ſeyn nicht wann darumb kam ich zuͦtauf fen im waſſer. das er wurde eroͤffent in iſrahel. Vnnd Iohannes gab ge zeugknuß ſagend. Wann ich ſah dē geyſt niderſteygen als ein taubē vō hymel vnnd belib auff im. vnnd ich wiſt ſein nicht. aber der mich ſandt. zuͦtauffen imm waſſer. der ſprach zuͦ