Seite
Die ander Epiſtel Sman muſz glorieren es gezimpt nit Aber ich kum zuͦ den ge­ſihten vnd zuͦ den eroͤffnungen des herren. Ich weyß einen man in chri ſto vor vierzehen iaren. es ſey im lei be od̓ außwendig des leibs. dz weyß ich nicht. got weyß es diſe verzuck­ung vntz zuͦ dem dritten himel Vn̄ ich weyß ein ſoͤllichen menſchen. es ſey im leib od̓ außwendig des leibs ich weyß es nit. gott weyß wann er ward gezuckt in das paradeyß vnnd er hoͤrt himliſche wort. die nit gezy­men zuͦ reden dem menſchen. Vmb ditz ding wird ich glorierē. aber füt mich nichts. nuͤr in meinen ſiechtu­men. wan̄ ob ich auch wil glorieren ich wird nitt vnweyß. wann ich ſag die warheit. wann ich vergib es das mich keiner ſchetze über das dz er ſeh an mir. od̓ etwas hoͤrt von mir. Vn̄ das mich nit die groͤſſe der offenba­rung uͤberhebe. iſt mir geben wordē die anfechtung meines leibs. der en­gel ſathane. d̓ mich halſchlahe. Dar umb bat ich den herren zuͦ dreyē ma­len. das er wiche von mir. vnnd er ſprach zuͦ mir. Dir begnuͦg mein ge­nade. wann die tugent wirt volku­men in der bloͤdigkeit. Darūb gern will ich glorieren in meinen bloͤdig keiten. das die krafft chriſti wone in mir. Darumb geuall ich mir in mei nen bloͤdigkeiten in den laſtern In den noͤtten in durchechtungen. In engſten vmb chricho. wan̄ ſo ich bin ſiech. den̄ bin ich gewaltig. Bin ich wordē vnweyß ir zwingt mich dar zuͦ. wan̄ ich ſolt gelobet werde von euch. wann ich hab nicht minder ge than vō den die da ſein apoſtel uͤber die maß Wann ob ich ia nichts bin Iedoch die zeychen meiner ſenoͤun­ge. ſeynd worden uͤber euch in aller gedult. In zeychen vn̄ in wundern vnnd in tugenden. wan̄ was iſt es. das ir minder habt gehabt vor den andern kirchen. nür daſ ich ſelb euch nit hab beſchweret. vergebt mir das vnrecht Das XIIIIII Capi. Eht all hie zuͦ drittē mal bin ich bereyt zuͦkumen zuͦ euch. vn̄ ich wurd euch nit ſchwer. wan̄ ich ſuͦch nit die ding die ewer ſeind. aber euch wan̄ die ſun ſoͤllen nit ſchetz ſameln vater vnd muͦter. aber vater vnnd muͦter den ſünen. wan̄ ich gib mich vil gern. vnd ich ſelb werd vergebē vmb ewer ſelē. wiewol ich euch mer lieb hab. ich wurd mynder lyeb ge­habt vō euch. Das ſey nun alſo. ich hab euch doch nit beſchwert. aber da ich waſ liſtig. fieng ich euch den̄ mit falſch. Hab ich den̄ ye betrogen euch durch einen der ihenen die ich ſendte zuͦ euch. Ich bat tytum vnnd ſendte mit im einen bruͦder. hat euch denn tytus betrogen. Haben wir den̄ nit gewādert in eines geyſt. Nachuolg ten wir nitt dem ſelben fuͦßſtapfen. Etwen wentet ir. das wir vns ent­ſchuldigten bey euch. Wir redē vor got in criſto. wan̄ allerliebſten alle ding vmb ewer bawūg. wan̄ ich foͤr cht ſo ich kum das ich euch villeycht icht find ſolliche als ich euch will. vnd ich werd funden vō euch ein ſol licher. als ir nicht woͤlt das villeicht Neyd. vnnd kryeg. ſtarck gemüt.