Seite
Das Euangelium ietzund iheſus zuͦ dē dritten mal ſei nen iūgern. da er was erſtanden vō den todten. Vn̄ da ſie hetten zemor gen geeſſen. iheſus ſaget ſymoni pe­tro. Symon iohannis haſtu mich lieb mer den̄ diſe. Er ſprach zuͦ im. ia herr du weyſt es. das ich dich lyeb hab Er ſprach zuͦ im So weidē mei ne lemmer Aber ſprach er zuͦ im Si mon iohannis haſtu mich lieb. Er ſprach zuͦ im. ia herr du weyſt es das ich dich lyeb hab. Er ſprach aber zuͦ im. So weyden meine lemmer. Zuͦ dez dritten mal ſprach er zuͦ im. Sy mon iohannis haſtu mich lieb. Pe trus ward betruͤbet das er zum dritt ten mal ſprach zuͦ im haſt du mich lieb Er ſprach zuͦ im Herre du weiſt alle ding. du weyſt das ich dich lyeb hab. Er ſprach zuͦ im. ſo weydē mey ne ſchaff. Werlich werlich ſag ich dir da du iūg wareſt. du beguͤrteſt dich. vnd giengſt wa du wolteſt. So du aber alteſt du wirſt außſtreckē deyn hend. vnd ein ander wirt dich gür­ten. vnd wirt dich füren wa du nitt wilt. Aber ditz ſagt er beteutēd mit was tode er wurde got erkleren. vn̄ da er ditz het geſagt. er ſprach zuͦ im nachuolg mir. Petrus vmbkert ſich vnd ſah den iunger nachuolgen. dē iheſus liebhett der an dem abenteſſ­ſen het geruͦet auff ſeiner bruſt. vnd ſprach. Herr wer iſt der. der dich wirt verraten. Darūb da diſen hette geſe­hen Petrus. er ſprach zuͦ iheſu. Herr der aber. was wirt er thuͦn. Iheſus ſprach zuͦ im. Alſo will ich das er be leybe vntz das ich kum. was zuͦ dir. nachuolge du mir Darūb ditz wort gieng auß vnder die bruͦder. das der iunger nit ſtürbe. Vn̄ iheſus ſprach nicht zuͦ in. er ſtirbt nitt. Aber alſo will ich das er beleybe. vntz das ich kumm. was zuͦ dir. Ditz iſt der iūger d̓ da gab gezeugknuß vō diſen din­gen. vnd ſchrib diſe ding. Vnd wir wiſſen das ſein gezeugknuß war iſt Es ſein aber noch vil andre dinng die Iheſus gethan hatt. die do nicht ſeind geſchriben in diſem buͦch. Ob die ding weren geſchriben durch all ich wen nit. das dye welt moͤchte be­greyffen die bücher. die da weren ze­ſchreyben Der euāgeliſt io hannes hat hie ein end. Hie hebet an die gemein vorred. in alle epiſtel ſancti pauli. An fragt del erſten. warumb nach den euangelien. dy da ſind ein erfuͤllung des geſetzs. vnd in dem vns volkumen. lich gegeben ſein ebenbild vnnd ge­bot zelebē. Sant paulus der zwoͤlff bot wolt ſein epiſteln zuͦ eyner ieg klichen kirchen ſendē. Das iſt geſche hen. Darūb das in dem anfang der kirchen wurden abgehawen laſter. die da warn gegē wuͤrtig od̓ dy noch moͤchten entſpringen vnd darnach die künfftigē fragen auſſchluſſe mit dem exempel der propheten. dy dan̄ nach dez gegeben geſetz moyſi. in dē alle gebott gottes warden geleſen. noch dan̄ nichts mind̓ mit irer heyl