Seite
Die Epiſtel Wan̄ wir ſeyen ſein werck beſchaf­fen in ieſu chriſto in guͦten wercken die got vor bereyt. dz wir geen in in darūb ſeit ingedenck dz ir ettwē wa ret heyden in dē fleyſch. die ir werdt genennet ein überwachſung. vō dē. dz da wirt genēnet die beſchneydūg in dē fleyſch gemacht mit der handt die ir waret in der zeyt on chriſto. ge frembdet vō der wandlūg iſrahel. vnd geeſſte der gezeugknuß. Nit ha­bend die zuͦuerſiht der verheyſſung vn̄ on got in diſer welt. aber nun in iheſu criſto. die ir ettwen waret verr ſeyt worden nahet in dē bluͦt chriſti Wan̄ erſelb iſt vnſer frid. der da yet weders machet eins. vn̄ die mittlen wand der mawer. Aufloͤſendt dye veintſchafft in ſeim fleyſchs. Vertil geend die ee der gebot mit dē vrteylē dz er bawe zwey in ſichſelb machēdt den frid in eim newen menſchen. dz er ſy beyde verſoͤne in eym leyb zuͦ got durch dz kreutz. erſchlagend dye veintſchafft in im ſelber. vn̄ kam vn̄ prediget euch den frid die ir verr wa ret. vn̄ den frid. den. die da waren na hend. wann durch in haben wir bey de einen zuͦgang in eim geiſt zuͦ dez vater. Darūb yetzūd ſeyt ir nit geeſſt vn̄ frembde. aber ir ſeyt buͦrger der heyligen vn̄ haußgenoſſen gottes über gebawet auff dye grundtueſte der apoſtel vn̄ der weyſſagen iheſu chriſti dē oͤberſten winckelſtein. in dē alle gemachet bawung wechſt zuͦ ei nem heiligen tempel im herren In dē auch ir ſoͤllet mitgebawet werdē zuͦ einer wonung gots. in dem hey­ligen geyſt Das.IIIIIII. Capitel Mb die gnad des dings Ich Paulus geuangner Ieſu chriſti vmb euch heydē. Iedoch ob ir habt gehoͤrt die teylung der gnad gottes die mir iſt gegebē in euch. wan̄ nach der eroͤffnung iſt mir kund gethan. worden dye heyligkeyt als ich vor kurtzlich ſchryb. das ir leſend mügt. vernemē mein weyßheit in dē dienſt chriſti. das auch dē andern geſchlech ten den ſuͤnen der menſchen nitt iſt erkant. als es nun iſt eroͤffent ſeynē heyligen botten. vnd den weyſſagen im geyſt. das die heyden ſein mitter beir vn̄ mittliblich vn̄ mittelhaftig ſeiner verheyſſung in iheſu chriſto. durch das ewangelium des ich in worden ein diener nach der gab der gnade gots dy mir iſt gegeben nach der würckunge ſeiner krafft. Wan̄ mir dē mynſten aller heyligē. iſt ge geben diſe gnad zuͦ predigen vnder den heyden die vnerfarlich reychtu­men chriſti. vn̄ zuͦ erleuchten all. wel che do ſey die teylūg der heyligkeyt verborgen vor den welten. in got. d̓ do beſchuͦff alle ding. das er bekant wurde den fuͤrſten vn̄ den gewelten in den himliſchen dingen durch dye kirchen dye vil geformet weyßheyt gots nach d̓ volendūg der welte dy er macht in ieſu criſto vnſerm herrē In dem wir haben troſt vnd einen zuͦgang in der zuͦuerſiht durch ſeinē gelauben. Darumb ich bit dz ir nit gebreſtet in meinen trübſalen vmb euch die do iſt ewer glori. Vmb dye genad ditz dinngs neyge ich meyne knye zuͦ dem vater vnſers herren ie­ſu chriſti. auß dem alle veterlicheyt wirt genent in den himeln. vn̄ auff