Seite
Epiſtel Die ſich das bild des knechts. vnd ward gemacht in die geleychnuß der men ſchen vnd iſt funden in der wande­rug als ein menſch. er demütigt ſich ſelber vnd iſt worden gehorſas got dez vater vntz in den tod. aber vntz in den tod des kreutzes. Darūb got erhoͤhet in. vnd gab im einen namē der da iſt über all namen. das in dez namen iheſu chriſti wurd geneygt alles knye. der himliſchen vnnd der irdiſchen. vnd der helliſchen. vn̄ eyn yegklich zunge bekente das der herr iheſus chriſtus iſt in der glori gots des vaters Darumb mein allerlieb ſteen. als ir zuͦ allen zeytē ſeyt gehor ſaz geweſen. nit allein in meiner ge genwurt. aber vil mer nu in meim abweſen mit vorcht vn̄ mit zittern wircket ewer heyl. wann got iſt. der da wirckt in euch. vnnd den willen vnd zuͦuolbringen vmb den guͦten willen. Aber alle ding tuͦt on muͤr­melung vnd on zweyfelung. das ir ſeyt on klag vn̄ einualtig ſün gotz on ſtraff in d̓ mitt des boͤſen geſchle chtes vnnd des verkerten. vn̄ er dez ir leucht als die liechte in der welt be­haltet das wort des lebens zuͦ mey ner glori an dem tag chriſti. wann ich lieff nit eytel. noch hab gearbeyt vmbſunſt. Vnnd ob ich auch wird geopfert über das opfer vnnd uͤber den dienſt ewers gelauben. ich frew mich vnnd mittfrolock euch allen. wann deſſelben frewet auch euch. vn̄ frolocket mit mir. wann ich verſih mich in dem herren ieſu thiotheuꝫ ſchier zeſenden zuͦ euch. das auch ich ſey guͦttes muͦttes erkennend die ding die bey euch ſeind. wan̄ ich hab keinē als einhellig d̓ mit reyner begerūg ſey ſorgſam vmb euch. wann all ſuͦ­chen ſy die ding. die ir ſeind nit dy da ſeind iheſu chriſti Aber erkennet ſein bewerung wan̄ er hat gedienet mit mir in dem euangelium als der ſun dem vater. Darumb diſen verſih ich mich ſchier zuͦſenden zuͦ euch. das ich ſehe die ding. die bey mir ſeind. wann ich verſih mich im herren. das auch. ich ſelb ſchier kum zuͦ euch. wan̄ ich gedacht notturfftig epafroditum dē bruͦder vnd den mitthelffer vnd mei nen mitritter. aber ewern apoſtel vn̄ diener meiner notturft ſchier zeſen­den zuͦ euch. wan̄ er begeret euch all vnd was traunig. Darūb das ir het gehoͤrt. dz er krinck wer. wann er iſt kranck geeſſen vntz zuͦ dē tod. aber got hat ſich ſein erbarmet Aber nit allein ſein ia auch mein. das ich ritt het die traurigkeit uͤber dye traurig keit Darūb eylend ſante ich in. ſo ir in geſeht dz ir euch aber frewet. vnd dz ich ſey on traurigkeit Darūb em­pfaht in mit aller frewd im hertzen vn̄ habt in mit eren. wann es gena het ſih vntz an dē tod vmb dz werck criſti zeantwurten ſein ſele daſ er er füllet das da gebreſte auß euch vmb meinen geiſt. Das.IIIIII. Capitel Ein bruder fuͤranhin frewet euch im herren. wan̄ mir iſt nit treg euch zeſchrey­ben dye ſelben ding. Aber euch not­turfftig. Seht die hund Seht die boͤ ſen werckleut. ſeht dye beſchneydūg wann wir ſeind dye beſchneydung dye wir gott dyenen mit dem geyſt vnd glorieren in Iheſu chriſto. vn̄