Seite
Die ander Epiſtel zuͦ allen zeyten bey dē herren. vn̄ al ſo troͤſtet an einand̓ in diſen worten Das.V. Capitel. Rbedurffet a ber nit brüd̓. dz wir euch ſchreyben vō den zeyten vn̄ augēblicken. Wan̄ ir ſelbs wiſt das fleyſſigklich. dz der tag des her­ren kumpt alſo in der nacht als der dieb. wan̄ ſo ſie ſagen. frid vn̄ ſicher­heit. den̄ kumpt über ſie der tod als der ſchmertz in dē leibe habende. vn̄ empfliehen nit. Aber brüder ir ſeyt nit in dē vinſternuſſen. dz euch der tag begryff als der dieb. wann alle ſeyt ir ſün des liechts. vnnd ſuͤn des tags wan̄ ir ſeyt nit der nacht. noch der vinſternuß. Draumb wir ſoͤllen nit ſchlaffen als auch dy and̓n. aber wir ſoͤllen wachen vn̄ nuͦchter ſeyn. wan̄ die do ſchlaffen. nachtz ſchlaffē ſie. vn̄ die do ſeind truncken. bey der nacht ſind ſie truncken Aber wir dy wir ſein des tags. ſoͤllē nüchter ſeyn angeleget mit dez pantzer des glau­bens vn̄ der liebe vn̄ mit dē helm d̓ hoffnūg. vn̄ des heyls. wan̄ got hat vns nit geſetzet in den zorn Aber in die gewinnung des heyls durch vn­ſern herren ieſum criſtum der do iſt tod vmb vns. es ſey dz wir wachen od̓ ſchlaffen. ſo ſoͤllen wir leben mitt im Darūb troͤſt einander vn̄ bawet einander als ir auch thuͦt. aber wir bitten euch. dz ir erken̄t die die do ar­beyten vnder euch. vn̄ euch vorſein im herrē vnd euch mannen. dz ir ſye habt uͤberflüſſiger in der liebe vmb ir werck. habt den frid mit in. Aber brüder wir bitten euch. ſtraffet dye vnrüygen. troͤſt dye kleinmuͤtigen. empfaht dy ſiechen. ſeit gedultig zuͦ allen. Seht dz keiner widergeb übel vmb uͤbel. Aber zuͦ allen zyten nach uolget dez das do iſt guͦt vnder eyn ander vnd in all. Zuͦ allen zeytē fre wet euch im herrē. bettend on vnde­laß. Sagt danck in allen dinngen. Wann ditz iſt der will gots in ieſu chriſto in euch allen. Nit woͤlt ver­leſchen dē geyſt. Nit woͤlt verſchme hen die weiſſagung Aber alle ding bewert Das guͦt iſt das behabt. vn̄ enthabt euch vor allen boͤſen bildē. Aber erſelb gott des frids heylige euch durch alle ding. das ewer geyſt vnd ſel vnd leyb werd behuͤt gentz­lich on klag an dē tag der zuͦkunfft vnſers herren ieſu chriſti. Wan̄ got iſt getrew der euch rüfft der es auch wirt thuͦn. Brüder bettet vmb vns Gruͤſſet all bruͦder in dem heyligen kuß. ich beſchwer euch bey dem herrē dz die epiſtel werd geleſen allen hey ligen bruͦdern Die gnad vnſers her ren chriſti ſey mit euch allen Amen Diſz iſt die vorrede über die ander epiſtel zuͦ den theſſa­lonicenſern. Heſſalonica zuͦ den theſſalonicen­ſern ſchrybt ſant pau­lus der zwoͤlffbot. die andern epiſtel. vn̄ thuͦt in kund vō den letzſten zeyten. vō der zuͦkunfft des widerſachen. vn̄ von ſeiner zer­ſtoͤrung. Vn̄ ſchreybt diſe epiſtel vō athenis durch tytus den euangelier vnd oneſſimum den accolitten.