Transkription / 2 [801

zuͦ Chimotheo Ccͣ.VI ermane ſie. Aber ob etlicher anders leret vn̄ nit gehilt den geſunden reden vnſers herren ieſu criſti. vn̄ der lere. die da iſt nach der guͤtigkeit. der iſt hohfertig vn̄ kan nichts. Aber er iſt kranck bey den fragen. vnd ſtrey ten der wort. auß den entſpringen. Iey dkrieg gotzleſterung. boͤß arck won. ſtreytungen der menſchen zer tuͤr in dem gemüt. Vnnd die da be raubet ſein der warheyt. vnnd ſchetzen das der gewinn ſey eyn gütigkeit. Es iſt aber eyn groſſer gewyn die gütigkeit mit der genuͦgſamkeit Wann in diſe welt brachten wir ni chts. on zweyfel darauß mügē wir nichts bringen. Wan̄ ſo wir haben dye narung. vn̄ da mit wir werden bedecket in diſen dinngen begnuͦge vns. Wann die da woͤllen werden reych. die vallen in die verſuͦchung vn̄ in den ſtrick des teufels. vnd in manig vnnutz begirden. vnd ſched lich. dye dye lewt verſencken in den tod. vn̄ in die verdamnuß. wan̄ dye geyttigkeyt iſt ein wurtzel aller boͤſen ding. die ettlich begerten vnd irr ten vō dem glauben vnd verwickel ten ſich in vil ſchmertzen. du aber. o du man gotz flewh diſe ding. Volg nach der gerechtigkeit. guͦtigkeyt. dē glauben die gedult. die ſenfftmütig keit Streit dē guͦten ſtreit des gelau ben. das du begreyffeſt das ewig leben in das du biſt gerüffet. Vnnd beken̄ ein guͦte bekantnuß vor manigen gezeugen. Ich gebewt dir vor got. der da lebēdig machet alle ding in iheſu chriſto. der da gab gezeugknuß vnder potio pylato ein guͦibe kantnuß. das du behalteſt dz gebott on mackel. vnſtraffber. vntz zuͦ der zuͦkunfft vnſers herrē ieſu criſti. den er wirt zeygen in ſeinen zeyten. d̓ ſelig vnd der allein gewaltig Der kü nig der künigen. vn̄ der herſchendē der allein hat die vntoͤdtlicheit vn̄ inwonet in eim vngenehlichē liecht dē. keiner d̓ menſchē ſahe. noch auch mag geſehen. dem ſey ere vn̄ gewalt ewigklichen amen Gebewt dē reichē diſer welt nicht zuͦ wiſſen dye hohen ding. noch hoffnūg zuͦhaben in vngewißheit der reychtūb. aber in got dē lebendige. der vns gibt alle ding begnuͦglich zenieſſen. lere ſie wol ze thuͦn reych zewerden in guͦten wercken zegeben leichtigklich zegemein ſamen inen ſchetze zeſamlen einē guͦ ten grund in das kuͤnfftig. das ſy begreyffen dz war leben O thimothee behüt das dir beuolhen. ſchewh dye vnheiligen newerung der ſtym vn̄ die widerſetzung oder fürſetzung d̓ wiſſenheit des valſchen namen. dye ettlich verheyſſen vnnd vielen auß bey dem gelauben. Die genad mitt dir Ein ende hat die erſt epiſtel zuͦ thimotheum. Vnnd hebt an die vorred über dye andern epiſtel Berſchribt er thimotheo vō der ermanung der mar ter vn̄ aller ordnūg der warheit vn̄ was künfftig ſey in den letzſten zeyten. vn̄ von ſeinem leyden. vnd ſchribt im von der ſtatt Rom Die vorred hatt ein end Vn̄ hebt an dy ander epiſtel zuͦ thimotheum. Vn̄ hat. iiij. capitel