Transkription / 2 [823

Der zwelfbotten. Coch.VIIIII eroͤffungē erſcheinē in durch xl. tag vnd redendt von dem reych gottes Vnd mit in eſſend gebot er in. das ſie nicht abſchieden von iheruſalem aber das ſie harretē der verheiſſung des vaters. die ir habt gehoͤret durch meinen mund ſagend. wann iohan nes taufft imm waſſer. Aber ir werdet tauffen imm heiligen geyſt. nitt nach mangen diſen tagen. darumb die da warn zuſamen kummen dye fragten in ſagend. Herr wirſtu inn diſer zeit widergeben das reich yſra hel. Er ſprach zuͦ in. Ewch gehoͤret nit zuerkennen die zeyt oder die augenbkick die der vatter hatt geſitzet in ſein gewalt. Aber ir werdt empfa hen die krafft des heyligen geyſtes von oben kumendt in ewch. vnd ir werdet mir gezewgen in iheruſaleꝫ. vnd in allem iudea. vnnd in ſamaria. vnd vntz an das end der erde. Vnd da er die dinng het geſaget. ſye ſahen das er erhebt ward. vnnd dye wolcken empfing in von iren augē. Vnnd do ſie ſahen in geend in dem hymel. ſeht zwen mann ſtunden bey in inn weiſſen gewandē die da auch ſprachen. Ir galileyſchen mann wz ſteet ir auffſehen in den hymel. Der Iheſus der do iſt empfangen vonn euch in den hymel Alſo wirt er kum men als ir ſaht geen in den hymel. Do kerten ſye wider in iheruſalem von dem berg der do iſt geheiſſen d̓ oͤlberg der do iſt bei iheruſalem habend den weg des ſabbaths das iſt eyn meyl Vnd do ſie warn eingegā gen in den ſoller. Sye giengen auff do ſie belieben. petrus vnd iohānes iacobus. vn̄ andreas. philippus. vn̄ thomas bartholomeus. vnd maheus. iacobus alphey. vnd ſymon zelotes vnd iudas iacob. Diſe warēd all verharrend einhelligklich in dez gebet mit den weyben. vnnd mit maria der mutter iheſu. vnd mit ſeinen bruͦdern. In den tagen petrus ſtūd auff in der mitt der bruͦder vnnd ſprach. Wann die geſelſchafft der man was nahend mit einander bey zwen tzig vnd hunderten. Ir mann bruder. Es muß erfuͤlt werden die geſch ryfft. die der heilig geyſt vor redte durch den muͤnd dauid von iudas. der do was ein fuͤrer. der. die do fing en iheſum. der do ward mitgezalt vnder vns. vnd hett geloͤſet oder ge wunnen das loß diſes dienſtes. Vn̄ der beſaß den acker von dem lon der boßheyt. vnd do er was auffgehangen er zerbrach mitten enzwey. vnd alle ſein ingeweyd warn außgegoßſen. Vnd es iſt kundt worden allen den. die do wonen inn iheruſalem. alſo das der acker in irer zungen iſt geheiſſen acheldemach. das iſt ein ag cker des bluts. Wann es iſt geſchry ben inn dem buch der pſalmen. Ir mitwonung werde oͤd. vnd der ſey nit der do won in ir. Vnnd einander empfeht ſein biſtumb. Darumb es muß auß diſen mannen die do ſeind geſamelt mit vns in eyner iegklichē zeyt in dem der herr iheſus einging vnnd außgieng vnder vns. anfahēd von dem tauff iohannis vntz an dē tag. in dem er iſt erhaben von vns einer auß diſen werden ein gezewge ſeiner aufferſteeung mit vns. Vnd ſie ſtellten zwen mann. ioſeph. der do iſt geheiſſen barſabas. der do iſt zuge nennet gerecht. vnd mathiam. Sye betten vnd ſprachen. O herr du erkēneſt die hertzen aller. zeig vns einen auß diſen zweyen. den du erweleſt zeee