Seite
der wurclung Das buch vn̄ geſchriben worden vō ſant luca dē euangeliſten geboren vō anthio­chia. der do wz ein meiſter der kunſt der ertzney. d̓ darnach hat gedyenet ſant paulſen dē apoſtel. vn̄ iſt wor­den ein iunger criſti. Es drucket die helß. wann man offt darauff leget eyn ſchwere buͤrde. wan̄ die lere der neidigen ſchetzen. dz dy ding. dy wir ſchreyben. wirdig ſein der ſtraffe od̓ verwerffung. aber der haß. neyd. vn̄ die ſchendung ſoll mich mitt d̓ hilff chriſti. die ding außzelegen nit ge­ſchwygen Die ander vorred. Veas ein anthiochier. vō der geburte eyn ſyrus. des lobe in dē euan gello wirt geſungen bei anthiochiā was ein vorder meiſter der kunſte d̓ ertzney. Vn̄ auch ein iunger d̓ apo­ſtel chriſti. darnach volget er ſandt paulſen vntz zuͦ der bekennung On toͤdtlich ſünde beleibend in d̓ iunck frawſchafft. wolte er merer got dye­nen. Er ward. lxxxiiij. iar alt. vnd ſtarb in dē lande bithinia. vol mitt dē heyligen geyſt. der ermanet in dz er ſchryb dz euangelium in dē endē achaie. Vnd oͤffnet den gelaubigen kriechen die menſchwerdung des her ren mit trewer verkuͤndung. vn̄ dz der ſelb chriſtus der herr were abge­ſtygen auß dē geſchlecht dauid. Dez ſelbē luce iſt nicht vnbillich gewalt gegeben. in verborgner heyligkeyt zuͦſchryben dy werck der heyligē apo ſteln. auff dz. das da got vol in got vn̄ als nu was außgeleſchet der ſun der verdamnuß. Vnd das gebet ge ſchehen was von den poſteln. das erfuͤlt wurde mit dem loß dye zal d̓ erwelung criſti. Vnd alſo gebe pau lum zuͦ einer volbringung dē wür­ckungen der zwoͤlffbotten. Als lang vnd in der herr hette erwelt. ſterbēd wider die anfechtung des fleyſchs. Das wolt lucas zeygen den leſendē mit kurtzer rede das in beſſer deuch­te den̄ das er den verdroſſen. lāg red gegeben. het. Wan̄ er weſſt das der wirckend bawmā ſeiner eygē frucht muͦß eſſen. Dez ſelben ſant luce hat alſo mit geuolget goͤtliche gnad dz ſein ertzney nit allein gefrumt hat zuͦ dez heyl des leybs. Sunder auch zuͦ dem heyl der ſele. Die voͤrred hatt ein ende. Vnnd hebt an das buͦch d̓ wür ckung der zwoͤlffbotten in.xxviii. ca pitel geteylt. dar in̄ lucas nach der auffart chriſti. die ſihtpern ſendung des heyligen geyſts erzeyget. vnnd die werck vnd die geſchiht der appo­ſtel. vnnd zuͦuoran ſant paulſen be ſchreibt. Vnnd auch die gelegenheyt der newgeborn kirchen Das erſt capitel. Theophile ich hab dy predig getan vō al­len dingen. dy ieſus anfieng zethuͦn vnd zelernen vntz an dem tag an dem er gebot dē apo ſteln die er erwelt durch den heyligē geyſt. vnnd dem er ſich ſelb gab le­bēdig nach ſeiner marter in manigē