Seite
Die vorred Coch III Dhannes eyn zwoͤlffbot vnd ein euangeliſt von dē herren criſto auß erwelt vnnd liebge habt in ſollicher liebe der liebe iſt er uͤberfluͤſſiger gehabet worden. dz er an dem abenteſſen auff ſeiner bruſt ruͦet. vn̄ im da er bet dē kreutz ſtuͦnd allein ſein eygne muͦter befalh. Vn̄ dē der herr hatt berüffet zuͦ der vmb fahung der iunckfrawſchafft. der da woͤlt geheyrat haben. dē gab er zebe hüten die iunckfrawen. Diſer. da er nun vmb das wort gots vn̄ die vr­kund iheſu chriſti in die inſeln path mos ward in dz ellend kummen. da ſelbſt. von dē ſelben ward das buͦch­appocalipſis. Das im vor beweyſet ward. geſchriben. als gleicherweyß in dē anfang der ler dz iſt des buͦchs geneſis. Der vnzerſtoͤrlich anfang wirt vor gemercket. Alſo auch das vnzerſtoͤrlich ende der iunckfrawen in apocalipſi wurde widergebē ſpre chend. ich bin alpha vnnd o. der an­fang vnd das end. diſer iſt iohānes. der da wiſt. vn̄ erkant im zuͦ nehen den tag ſeiner außgeeung von dem leychnam. vnd zuſamen vodert in epheſo ſein iunger vnd gieng ab in die grub die ſtat ſeins grabes. vnnd da er volbracht ſein gebet. gab auff ſeinē geyſt als außwendig worden von dē ſchmertzen des todes. wieuil frembd er iſt erkennet vō der zerſtoͤ­rung des leibs. des aber ſchickung d̓ geſchrifft oder ordnung des buͦchs wirt darumb von vns nit durch all le ding außgeleget das dē vnwiſſen den zeerfoͤrſchē die begirde werde ge ſetzet. vnnd dē ſuͦchenden die frucht. der arbeyt. vn̄ got die meyſterſchafft. der lere werd behalten Ein ende hat die vorred. Hie hebet an das buͦch der heymlichen offebarūg Darin̄ werden beſchriben die offen­barung die ſant iohannſen durch dē engel beſchehen ſind. Auch die anfe­chtung vnd truͤbſale die. die kirch in anfang gelitten hat. Auch yetzo ley det. Vnd im ende der welt. vnd zuͦ uoran zuͦ der zyt des anthicriſts ley den wirdet. Vnnd vō der belonung die ſie wirt empfahen in dem ewigē leben. Das erſt capitel. Ie erofnūg iheſu criſti die im got gab offē­bar zemachen ſeynē knechtē die ding. die do müſſen wer­den ſchier. vnnd tette kund ſendend durch ſeinen engel ſeinem knecht io hanni. der da gab gezeugknuß dem wort gots. vnd die zeugknuß iheſu criſti alles das er ſah. Er iſt ſelig. d̓ da liſet vnd der da hoͤret die wort di ſer weyſſagung. vn̄ behelt dye ding die da ſeind geſchtiben in ir. wan̄ die zeyt iſt nahend. Iohannes den ſibē kirchen die da ſind in aſia. Gnad ſey mit euch. vn̄ der frid von dez der da iſt. vn̄ der da was. vn̄ der da iſt kuͦnff tig. Vn̄ von dē ſiben geyſten. dye da ſind in dez angeſiht ſeins trons vn̄ ii iiij