Seite
Das buch der heimlichen. vō ieſu chriſto. der da iſt ein getrew­er zeug der erſtgeboren der todten. vnnd ein fürſt der künig der erde der vns lieb het. vnd vns wuͤſch vō vn̄ ſern ſünden in ſeinē bluͦt. vn̄ macht vns zuͦ eim reich. vnd prieſter gott. vnd ſeinem vater. dem ſey glori vn̄ gebyetung in den welten der welt amen. Seht er kumpt mit den wol­cken. vnnd ein yegklich aug wirt in ſe hen. vnnd die in ſtachen. Vnd den̄ al le die geſchlecht der erde. werden ſich klagen uͤber in auch amen. Ich bin alpha. vnd o. der anfang. vnd dz en de. ſpricht der herre got. der da iſt. vn̄ der da was. vnd der da iſt kuͤnfftig almechtig. Ich iohannes ewer bruͦ­der teylhafftig in der trübſale. vnd in dem reych vn̄ in der gedult in ie­ſu criſto. Ich was in der inſeln. dye da iſt geheyſſen pathmos. vmb das wort gots. vn̄ vmb die gezeugknuß ieſu. Ich was im geiſt an dem ſun­tag. vnd ich hoͤrt eyn groſſe ſtymm nach mir. als eins horns. ſagend. dz du ſihſt. das ſchreib in dein buͦch. vn̄ ſende den ſiben kirchen. die da ſeynd in aſya. epheſo. vn̄ ſmirne. vnd per­gamo. vnd thiatire. vnd ſardis. vn̄ philadelphie. vnd loadicie. Vn̄ ich vmbkeret mich. das ich ſehe dy ſtym die da redt mit mir. vnd da ich was vmbkeret. ich ſah ſiben guldē leuch­ter. vn̄ in mit der ſiben guldē leuch­ter einen geleych dem ſun des men­ſchen. bekleydet mitt. einem langen leinin kleyd. vnnd fürbegürt zuͦ den bruͤſten mit einer gulden gürtel. A ber ſein haubt vnnd ſein har waren weyß als ein weyſſe woll. vn̄ als d̓ ſchne. Vnd ſein augen als die flam men des fewers vn̄ ſein fuͦß geleych­dem meſſing als in dē brinnenden offen. vn̄ ſein ſtymm als ein ſtymm maniger waſſer. vn̄ het in ſeiner ge­rechten. viij. ſtern. vnnd von ſeinem mund gieng auß ein ſchwert zuͦ bey der ſeyten ſcharpff. vnd ſein antlitz leuchtet als die ſunne in ſeiner krafft vnd da ich in geſah. ich viel zuͦ ſeinē fuͤſſen. als ein todter. vn̄ er legt ſein gerechte auff mich. ſagēd Nicht ſolt dir fuͤrchten. ich bin der erſt. vnd der letzſt. vnd ich bin lebendig. vnd wz tod. vnd ſih ich bin lebend in dē wel ten der welt. vnd ich hab die ſchluͦß­ſel des tods vnd der helle. Darumb ſchreyb die ding dye du geſehen haſt vnd die da ſind. vnd die da muͤſſen werden gethan nach diſen dinge. dz ſacrament d̓. vii. ſtern. dye du ſaheſt in meiner gerechten. vnnd. die ſiben gulden leuchter. die ſiben ſtern. ſind ſiben engel der kirchen. Vnnd die ſi ben leuchter ſind die ſiben kirchen Des IIII. Capitel. Chreib des en gel der kirchen epheſi. der da helt die ſiben ſtern in ſeyner gerechten. der da geet in mitt der ſiben gulden leuchter der ſagt di ſe ding. ich weyß deine werck. vnnd dein arbeyt vnnd deyn gedult. Vnd das du nit magſt enth alten die boͤ­ſen. Vnnd haſt verſuͦcht die. dye da ſprechen ſie ſein apoſteln/ vn̄ ſie ſind ſein nit vnd du haſt ſye funden lug ner. vnd du haſt gedult vn̄ du haſt enthalten vmb meinen namen. vn̄ haſt nit abgenomen. Aber ich hab wider dich ein wenig das du haſt ge laſſen dein erſt liebe. Darūb ſo biß