Transkription / 2 [895

Offenbarung CcccIIIIIIII oder warm. Aber darūb dz du law biſt. vn̄ biſt nit kalt noch warm. ich wil anfahen dich außzeſpuͤtzen auß meinem mundt von meim mundt. wann du ſprichſt. das ich bin reychvnd gereychet vn̄ bedarff keins. vn̄ du weyſt nit. dz du biſt einellender. vn̄ ein iamriger. vnd arm vn̄ blind vnnd nackend. Ich rat dir zekauffen von mir gold. bewert durch dz fewr das du werdeſt reych. vnnd werdeſt angeleget mitt weyſſen gewanden vn̄ das die ſcham deiner nackenheit nit erſcheyn. vnnd ſalb deine augen mit der augen ſalben dz du geſeheſt Die ich liebhab. die ſtraff ich. vnd keſtig ſy. Darumb hab lieb vn̄ zuͦ buͦß Sih. ich ſtee zuͦ der thür vnd klopff. Ob etricher hoͤret mein ſtymm. vnnd mir auffthuͦt die tbuͤr. ich gee ein zuͦim. vnd abent iſſe mit im vn̄ er mit mir. der da uͤberwindet ich wird im geben zeſitzen mit mir auff meinem tron. als auch ich überwand. vn̄ ſaß mit meinem vater in ſeinem thron Der orn hab der hoͤre was der geyſt ſage den kirchen Das IIIIIII capitel. Ach diſen din gen ſah ich. vnd ſeht eyn offen thür im hymel. vn̄ die erſt ſtymm die ich hoͤret. als eins horns redend mit mir ſagēd. Styg auff her. vnd ich zeyg dir die dinng die da müſſen werden gethan bald Nach diſen dingen zehandt was ich in dem geyſt. vnd ſeht ein ſtuͦl was geſetzet im hymel vnnd auff dez ſtuͦl ein ſitzender. Vnd der da ſaß. der waſ geleych dem angeſiht des ſteyns iaſpidis vnd ſardinis. vnd ein regenbogen was in dem vmbkreyß des ſtuͦls geleych dez geſiht des ſmarag den. Vnd in dem vmbſchweyff des ſtuͦls vierundzweyntzig ſideln. vn̄ auff den thronen.xxiiij. alten. ſitzēd vmbgekleydet mit weyſſen gewanden. vnnd auff iren haubten guldin kron. Vnnd von dem thron giengen auß plitzen. vnd ſtymmen. vnnd doͤ ner. vn̄ ſiben brinnend ampeln vor dem thron. die ſeind dye ſiben geyſt gottes. vnnd in dem angeſiht des ſtuͦls als ein gleſins meer geleich dē kriſtall. vnnd in mitt des ſtuͦls. vnd in dem vmbſchweyff des ſtuͦls vier tyer vol augen vorn vnnd hinden. vnd das erſt tyer was geleych dem lewen. vnnd das ander tyer was ge leych dem kalb. vnnd das dritt tyer het ein antlitz als des menſchen. vn̄ das vierd tyer was geleych dem flie genden adler. Vnnd die vier tyer ir yegklichs hett ſechß fluͦgel vnd waren vol augen innen vnnd in dem vmbkreyß. Vnnd ſie hetten nit ruͦe tag vnnd nacht ſprechend. heylig. hey lig. heylig iſt der herre got almechtig. der da was. vnd der da iſt. vnnd der da iſt künfftig. Vnnd da die vier tyer gaben glori vnd ere vnd den ſe gen dez ſitzenden auff dem thron. dē lebendigen in den welten der welt. Die xxiiii. alten vielen fürſich nyder vor dem ſitzenden auff dē thron. vnnd beten an den lebendigen in dē welten der welt. vnnd ſye legten ir kronen fuͤr den thron ſagend. Herre vnſer got du biſt wirdig zenemē die