Seite
Das buch Der heimlichen Meyn volck geet auß von ir. Das ir nicht werdet teylhafftig irer miß­ſetat. vn̄ nit empfahent vō iren pla geen. wann ir ſund ſind kumen vntz zuͦ dem himel. vnd der herre hat ge­dacht aller irer boßheit. Widergebt ir als ſie euch hat widergegeben. vn̄ zwifeltigent zwifache widergeltūg nach irē wercken. In dem tranck in dem ſie euch hat vermiſchet. vermi­ſchent ir zwifeltigklich. Als vil als ſie ſich hat glorificieret vnd was in wolluſten. als vil widergebt ir pein vnd klag. wann ſie ſpricht in ire her tzen. Ich ſitz eyn kuͤnigin. vnnd ich bin nit ein witwe. vnnd wird keyn klag ſehen. Darumb an einem tag werden kummen ir plag. vnnd der tod. vnd die klag. vnnd der hunger vnd ſie wirt verbrant mit dem fewr wann got iſt ſtarck. der ſie wirt rich­ten. Vnnd die künig der erden. die do gemeyn vnkeuſchtē oder gewerb ha­ben gehabt mit ir. vn̄ lebten in wol luſten. die werden weynen vnd kla gen über ſie. ſo ſie ſehē den rauch irer anzuͦndung. vnd werden verſteen vmb die vorcht irer peyn vnnd ſpre chen. Wee wee. die groß ſtatt babilō vnnd die ſtarck ſtat. wann in eyner ſtund iſt kummen dein vrteyl vnd dy kauffleut der erde werden weynen uͤber ſie. vnd klagen. wann ir kauff­manſchaft wirdt fürbas niemandt kauffen die kauffmanſchafft des gol des vnd des ſilbers. vnnd des edeln ſteyns. vnd des margariten. vnnd des biſſen. vnd des purpurs. vnd der ſeydin. vnnd des halb rotgeferbten gewands. vnd alle thyn holtz. vnd alle vaß des helffenbeyns. vnd al­le vaß vonn edelm geſteyn. vnnd des eres. vnnd des eyßens. vnnd des marmels. vn̄ den cynamom. vn̄ dē amomum vnnd der wolriechenden geſchmeck. vn̄ der ſalben. vnnd des weyrauchs vn̄ des weyns. vnd des oͤls. vnd der ſemeln. vn̄ des weytzēs vnd der vih. vnd der ſchaff. vnd der roß. vnd der karren vnd der knecht. vnd der ſelen der menſchen. vnd dye oͤpffel. die begird deiner ſelen. haben ſich geſcheyden von dir vn̄ alle feyß ten ding. vnd diē lautern ſind ver­dorben von dir. vnd die kauffleut d̓ menſchen werden yetzundt fuͤrbas diſe ding nit findē. Die da ſind reich worden vō ir. die werden verr ſteen vmb die vorcht irer peyn. weynend vnd klagend vnd ſagend. Wee wee die graß ſtatt. die da was bekleydet mit biſß vnd mit purpur. vnd mitt roten. vn̄ iſt uͤbergüldet mitt gold. vnd mit edelm geſtein. vn̄ mit ber­lin. wan̄ in einer ſtund ſeind entſe­tzet ſouil reichtumb. vn̄ ein iegklich ſchiffregierer vn̄ alle dye da ſchiffen in dem ſee vnd ſtewrer. vnd die wur cken in dem mere. die ſtuͦnden verr. vn̄ ſchryen da die ſahen die ſtatt irer enzuͦndunge ſagendt. Welliche iſt geleich diſer groſſen ſtat. vn̄ legten den aſchen auff ire haubter vn̄ ſchry en weynent vn̄ klagent ſagēd. Wee wee die groß ſtat. in d̓ da ſind wordē reich von irē werd alle die da haben ſchiff auff dē mere. wan̄ in einer ſtūd iſt ſie verwüſt. Du himel frewe dich uͤberſie. vnd ir heiligen apoſtel. vnnd weyſſagen. wan̄ got hat geurteylet ewer vrteil vō ir. vn̄ ein ſtarcker en­gel huͦb auff einē ſtein. als einē groſ ſen muͤlſtein. vn̄ ließ in in das mere ſagend. In diſer geh wirdt gelaſſen babilon dy groß ſtat vn̄ wirt ietzūd nit funden fuͤranhin. vn̄ die ſtym d̓