Seite
Das buch Der heimlichen hufft geſchriben. eyn künig d̓ kuͤnig vnnd ein herr der herſchenden. Vnd ich ſah einen engel ſteen in der ſunn vn̄ er ſchry mit groſſer ſtym ſagend allen voͤgeln. dye da fliegen durch mit des hymels. Rummet vnd wer det geſamelt zuͦ dez groſſen abenteſ­ſen. das ir eſſet die fleyſch der künig vnd die fleyſch der tribuner. vnnd die fleyſch der ſtarcken. vn̄ die fleiſch der roß vnd der ſitzenden auff in. Vnd die fleyſch aller eygen vnd der freyē vn̄ der kleinen vnd der groſſen. Vn̄ ich ſah das tyer. vn̄ die kuͤnig der er­de. vnd irer heer geſamelt zethuͦn ei nen ſtreyt mitt dem. der da ſaß auff. dem roß. vnnd mit ſeim heer. vnd daſ tyer ward begriffen. vnd mitt im d̓ falſch weyſſag. der da tet die zeychen vor in. mit dē er hat verfuͦret die. die da haben empfangen dz zeychen des tyers. vnd die da anbeten. ſein bild­nuß. Diſe zwey wurdent gelaſſen le bendig in den ſee des brinnēden few ers. vnd des ſchwefeles. vnd die an­dern wurdē erſchlagen in dē ſchwert des ſitzenden auff dez roß. dz da auß­get von ſeinem mund. vnd alle voͤ gel wurden geſattet von irē fleyſch. Das II capitel. Hd ich ſah ei nen engel abſteygen vō dē himel. der het dē ſchlüſ ſel des abgrunds vnd ein groſſe ket ten in ſeiner hand. vnd er begriff dē tracken den alten ſchlangen. der da iſt der teufel vn̄ ſathanas. vn̄ band in durch tauſent iar. vn̄ ließ in in dē abgrunt. vnd beſchloß. vn̄ bezeichet über in. das er füranhin nit verfuͤre die voͤlcker. vntz dz tauſent iar wer­den volendet. Vnd nach diſen din­gen muͦß er ein kleine zeyt auffgeloͤ ſet werden. Vnd ich ſah ſtüle. vn̄ ſie ſaſſen auff ſie. vnd das vrteyl iſt in gegeben Vnd ich ſah die ſelen der er ſchlagen vmb die zeugknuß ieſu. vn̄ vmb das wort gots. vnd die da nitt anbetten dz tyer noch ſein bild noch empfiengen ſein zeichen an iren ſtir nen oder an iren henden. vnd ſie leb ten vnnd regierten mit chriſto tau­ſent iar. vnnd die andern der todten lebten nit vntz das tauſent iar wur den volendet. Ditz iſt die erſt auffer ſteeung. Er iſt heylig vnd ſelig. der da hat einen teyl in der erſten auffer ſteeung. In diſen hat nit gewalt d̓ ander tod. aber ſye werden pryeſter gottes vnd chriſti. vnnd werden re­gieren mitt im tauſent iar. Vnd ſo tauſent iar werdē volendet. ſo wirt ſathanas auffgeloͤſet von ſeim ker­cker. vnd wirt außgeen vnd wirdt verfuͦren die voͤlcker. die do ſind auf den vier orten der erden. gog. vnnd magoge vnnd wirt ſie ſamlen in den ſtreyt. der zale iſt als d̓ ſant des me­res. vnd ſie ſtygen auff die weytte d̓ erde. vnnd vmbgiengen dye herber gen der heyligen vnd die lieben ſtat Vnd das fewr ſtyg ab von gott vō hymel. vnnd verzeret ſye. vnnd der tewfel der ſye verfuͤret. ward gelaß­ſen in den ſee des fewers. Vnnd des ſchwefels. da auch das tyer vnd der valſch weyſſag werden gekreutzi­get tag vnnd nacht in den welten der welt. Vn̄ ich ſah eynen groſſen weiß ſen tron. vnd eynen ſitzenden auff em vō des angeſiht floh der hymel