Seite
Das buch Der heimlichen roͤrin maß. das er meß die ſtat vn̄ ir tor vnd ir mauren. Vnd die ſtat wz geſetzt in vier teyl. vn̄ ir leng iſt als vil als ir weyte. Vn̄ er maß die ſtat von dē guldin ror durch zwoͤlfftau­ſent roßleuff. ir leng vn̄ ir weyt. vn̄ ir hoͤh ſein geleich. vn̄ er maß ir mu ren hundert vn̄ xliiij. elenbogen die maß des menſchen die da iſt des en­gels. vnd des gebew irer maure auß dē ſteyn iaſpis. aber die ſtat ſelb eyn reyn gold geleich dem reynen glaß. vn̄ die grūtueſten der mauren d̓ ſtat gezyeret mit allez edeln geſteyn. die erſt grūtueſte iaſpis. die ander ſaphi rus. dye dritt calcedonius. dye vierd ſchmaragdus. dye fünfft ſardonix. die ſehſt ſardius. die ſibēd criſo litus die acht berillus. die. ix. topaſins. die v. criſopraſſus. die. vi. iacinctus. dye vii. ametiſtus. Vnd. xii. tor ſind. xii. berlein durch alle. vnd iegkliche tor warn auß iegklichen berlein. vn̄ dye gaſſen der ſtat reines goldes als ein vaſt liecht glaß. Vnd keinen tempel ſah ich in ir. wan̄ d̓ herre almechtig got. iſt der tempel vnd dz lamb. vn̄ die ſtat darff nit der ſunnē noch des mons. das ſie leuchten in ir. wan̄ dy klarheit gottes erleucht ſie. vnnd ir lucern iſt das lamb. Vnnd die voͤl­cker werden wandern in irem liecht vnd die künig der erde werden brin. gen ir glori. vnd die ere in ſie. Vnd ire tor werden nitt beſchloſſen durch dye nacht. wann die nacht wirdt da nicht Vnd ſie werden herzuͦ tragen die glori vnnd die ere der voͤlcker in ſie. noch ichts vermayligetes wirdt eingeen in ſie. od̓ das da thuͦ ein ver fluͦcht ding. oder lüge. nur allein die da ſeind geſchriben in dem buͦch des lebens vnnd des lambs Das XIIII Capitel. nd er zeiget mir den fluß des lebendi­gen waſſers ſcheinber als. ein criſtall fürgeend von dem ſtuͦl gottes vnnd des lambs. In der mitt ſeiner gaſſen vnd vō ietwederm teil des flußs ein holtz des lebens brin­gent zwoͤlff fruͦcht durch alle monet geben ir frücht. vnnd dye leuber des holtz zuͦ d̓ geſuntheyt d̓ voͤlcker Vn̄ kein verfluͦcht ding wirt fuͤrbas. vn̄ der ſtuͦl gottes. vnd des lambs wer den in ir. Vnnd ſein knecht werden im dyenen. vnnd werden ſehen ſeyn artlitz vnnd ſeynen namen an iren ſtirnen. vnnd die nacht wirt nitt fuͤr­anhin vnnd werden nitt bedürffen des liechts d̓ latern noch des liechts der ſunnen wann der herre got wirt ſie erleuchten vnd werden regieren in die welten der welt. vn̄ der engel ſprach zuͦ mir. Diſe wort ſeynd dye trewiſten vnd war. vn̄ der herr gott der geyſt der weiſſagen hat geſendet ſeinen engel. zezeygen ſeinen knech­ten die dinng. die da muſſen werden ſchier. vn̄ ſih. ich kum ſchnelligklich. Der iſt ſelig der da behuͤt die wort d̓ weyſſagung ditz buͦches. Ich Iohā nes bin der. der da hatt gehoͤret vnd geſehen diſe dinng. Vnnd darnach da ich hett gehoͤret vnd geſehen. ich viel nyder. das ich anbettet vor den füſſen des engels der mir diſe diung zeyget. Vnnd er ſprach zuͦ mir Sih das du es nicht tbuͦſt. wann ich bin dein mittknecht vn̄ deiner bruͦder d̓