Seite
Offenbarung CIIII XIIIIIIIII weyſſagen. vnd der die da behalten die wort der weyſſagung ditz buͦchs anbette got. Vnnd er ſprach zuͦ mir Nicht zeychen die wort der weyſſa­gung ditz buͦchs. wan̄ die zeyt iſt na hend. Der da ſchadet. der ſchad noch Vnd der da iſt in den vnreynnigkey­ten. d̓ heb noch an vnrein zewerden Vnd der da gerecht iſt d̓ werd noch gerecht gemachet. Vnnd der heylig iſt d̓ werd noch geheyliget. Sih. ich kumm ſchier. vnd mein lon iſt mitt mir. eim iegklichen zegeben nach ſei nen wercken. Ich bin alpha vnd o. der erſt vnd der letſt. der anfang vn̄ das ende. Selig ſeind die. die da wa ſchen ir ſtolen in dē bluͦt des lambs das ir gewalt ſey in dem holtz des le bens vnnd geen ein durch die tor in die ſtatt. Außwendig aber die hund vnd die vergiffter. vnnd die vnkew­ſcher vnd die manſchlechter. vnnd die diener der abgoͤtter. Vnnd ein yegkli cher der da luͦge liebhat. vnd ſie tuͦt Ich iheſus ſandt meinen engel zebe zeugen euch diſe ding in den kirchen Ich bin eyn wurtzell. Vnnd das ge­ſchlecht dauid ein leuchtender ſtern vnnd ein morgenlicher. Vn̄ der geiſt vnd die braut ſprechen kumm. Der es hoͤrt. der ſprech kum. Vnd den da durſtet der kum. vnd der da will. der neme das waſſer des lebens vergebē wan̄ ich bezeug eim yegklichen. der da hoͤret die wort d̓ weyſſagung ditz buͦchs. Ob etlicher zuͦ leget diſen din gen got wirt legen auff in die plagē geſchriben in diſem buͦch. vnd ob ſie einer myndert von den worten der weiſſagung ditz buͦchs. got wirt hin nemen ſeinen teil von dem buͦch des lebens. vnd vō der heiligen ſtat. vn̄ von den dingen die da ſind geſchri­ben in diſez buͦch. der da gibt gezeug nuß diſer ding. der ſpricht auch wer­lich ich kum ſchier. Herr Iheſu kum Die gnad vnſers herren iheſu criſti ſei mit euch allen Amen Ein end hatt das buͦch der heymlichē offenbarūg ſant iohanſen des zwelfbotten vnd ewan geliſten Diſz durchleuch tigeſt werck der gantzen heyligen ge ſchrift genant die bibel zuͦ teütſch ge trukt. lauter. clar. vn̄ war. nach rech tē gemeynē teutſchē. mit hohez vnnd großem vleyß. gegē dem lateyniſchē text gerechtuertiget. vnndſchidlichen punctirt. mit vberſchrifftē der capi­tel vnnd pſalmen. iren inhalt vnd vr ſach. anzaygende. Vnnd mit ſchoͤnen figurē dy hyſtorien bedeutende. des nuwē geſetzs. hat hie ein ende Ge­druckt in der loͤblichen keyſerlichen freyſtatt Straßburg. Nach der ge­burt criſti des geſetzes der genaden. viertzehenhundert vnd in dē fuͤnff­vndachtzigſten iar vff montag der zweyt des mon des May Vmb wel lich volbringung ſey lob glori vn̄ ere der hohen heyligē dryualtigkeit vnd eynigem weſen dem vatter vn̄ dem ſun vnnd dem heyligen geyſt d̓ da lebt vnnd regiret gott ewiglich amen