vnd der proceß. diß buͦchß iſt gātz ſchlecht ouch ſo grob vnd büriſch das mans moͤchtan ein wand molen wen on alle arbeit zuͦhand iſt er oſſenbaͤr vnd kunt denen̄ die in ſhehent. Ich hab gemolt obnen im blaͤt cirkel mit dē rechten namen der perſonen zuͦ yedlicher zit obnē vnd vndenen zwo linienn die oͤbreſt mit ir zal ſtigt ab von Adam bitz vffChriſtum vnd bezeichnet noch der ordenūg vorgeſeiter ding alſo das alles ob od̓ vnd̓der ſeiben zal geſchriben ſtot ſige zuͦ den ſelben ziten geſchehē. die ander linig ſtigt hinderſich vff von der geburt chriſti bitz an die geſchepff der welt das mā lichtlich ſo māan ſicht ein zal mag wiſſen wie vil jor das oder das geſchehen ſige vor xpus gebuͦrt dashand wir dor vmb alſo geordenet das die zal loblicher vnd erwirdiger by vns iſt me erforderet würt noch der gebuͦrt chriſti ſtigēt ſü beyde ab bitz vff vnſer zit vnnd nēmenthübſchlich zuͦ alſo doch das die oͤberlinig alzit zeigt das alter der welt. die ander dasalter xp̄i dz wirt gar ſchlechtlich an ſinē ortē offenbaͤr werdē. ſid wir ouch vß vil buͤchern̄ die falſch geſchribē worēt diſe wiß nit mit cleiner arbeit zuͦ d̓ linigē d̓ worheit corrigiert vn̄ gebeſſeret hād. bittent wir vmb chriſtus willenn das der leſer diß buͦchs nitvermeſſenlich vnderſtee zuͦ beſſeren oder corrigirē die zal d̓ jorē. er hab dē vor dz buͦchgantz überſehen. das ſagent wir nit dor vmb das wir nienen geirret haben ſundē zuͦwarnen der mancherley der doctor in dieſer materi vnd zuͦm dickeren mol eins ſatz iſtein verwicklung des andern. wo er aber irrūg vindet ſo verzihe vnß guͤtlich vnnd befſers vß den vorgenantē denen wir noch volgent wan man irret gar lichtiglich in der zalvnnd würt dick ſümiclich beſchriben vnd noch ſümiclicher corrigiert oder gebeſſeretalß Auguſtin ſpricht im xv. buͦch von der ſtad gots.
