Seite
.j. Der erſt tag. In dem hat got geſchaffen das lie cht vnd hat geſunderet das liecht von der finſterniß. Der an­der tag. In dem hat got gemacht das fir­mament vnd hat diß waſſer geſün­deret von denn waſſern̄. Der drit tag. In dem hat got geſamelt die waſ­ſer an ein ſtadt vnnd erſchein die dürri. Der vi­erd tag. In dem hat got gemacht ſun vnnd mōn vnd die ſternen vnd hat ſü ge ſatzt in das firmament. Der fü­nft tag. In dem hat got gemacht fiſch vnd vogel vnnd die groſen walfiſch vß dem waſſer. Der ſe­chſt tag. In dem hat got gemacht die vnuer nuͤnftigen tier vnd den menſchen. Im anfang hat got geſchaffenn himmel vnd erden. ſeit der heili­ge augꝰ v̓ber das buͦch d̓ geſchoͤ pff das die treflicheit dieſer ge­ſchrifft groͤſer iſt den ſubtilikeit aller menſlich vernūfft. aber ſint wir ſunderlich von der zit wil­len hād zuͦ ſchriben ſo geuelt vnß kürtzlich am anfang der zit be­ruͤren. dor vm̄ iſt zuͦ mercken dz vier glichs alters im āfang ge­ſchaffē ſind vō got vß nichte dor in die hoͤchſte macht des ſchoͤ­pffers erſchint vnd ſind die. der füri himel. die engeliſch natur. die materi d̓ vier elemēt. die zyt vnd das heiſt man dz werck dē ſchoͤpffung das gemacht iſt vor allem tag. dor noch volgt dz wer ck d̓ vnderſcheidlicheit dor in erſchīt des ſchoͤpffēs groͤſti wiß­heit das iſt geſchehē in den drü erſten tagen. dor noch volgt das werck des gezierts in welchem erſchint die hoͤchſti guͤti gots dz iſt gemacht in den drü hinderſten tagen alß gar claͤrlich ſtot in dem buͦch der geſchoͤpf am erſtē. Am ſübendē tag ließ er vō allē werck das er hat gemacht nit alß ob er muͤed wer vom wercken ſund̓ er hoͤrt vff zuͦ machen nüwe crea­turen der matery odē glichniß nit vorwere dz aber geſprochē wurt Io. am. v. min vaͤ ter wirckt bitz ietz vnd ich wirck ouch. ſol verſtandē werdē von einer on vnderloſen/ den verſehūg der creaturen wann ſine geſchoͤpff verlot er nit behalten vnd regiren. vnd dor in erſchint des ſchoͤpffers hoͤſti volkūmenheit wan er iſt im allein genuͦgſam vnd be­darff nit der creaturen ſünder mher widerumb. wan die crafft des ſchoͤpffers iſt ein vr ſach weſenlicheit allen creaturen. dor vmb hat d̓ ſübend tag kein veſper. von dē dingē ſich volkūmenlicher dē meiſter in dem andern buͦch der hohen ſin vnd die lerer die vol kūmenlich dor vüber ſchribent wie wol ouch die nochgond zit vns gott erzeigt by dē vi er vorgenanten dingen mitnamen die hoͤſten macht wißheit guͤti vnd dor zuͦ der hoͤſten volkūmenheit doch ſunderlicher erzeugt ſü vns die goͤtlich barmhertzikeit vnd gere­chtikeit noch dem alß do ſeit der pſalmiſt. her ich wird dir ſingen barmhertzikeit vnnd