gerechtikeit vnd aber al die weg des herren barmhertzikeit vnd worheit. doch ſo haltdie barmhertzikeit dz ſcepē ſo lāg wir vff dē weg ſind wē ſü verſeit keim ſünd̓ genodDie alter der welt werden beglicht den altern̄ des menſchens vnd werdē von māchenin mancherleywiß bezeichnet bewerent ouch durch vil vrſach wor vmb bequemlich ſige alſo oder anders ſü onzuͦuohen od̓ zuͦ endē vō welchē dingē wir ietz nütz ſagēt. abēſo vil ietz genuͦg iſt. iſt zuͦ merckē das. vj. ſind alter der welt. Das erſt hebt an vō derſchoͤpffung d̓ welt vn̄ wert bitz an dē ſintfluß vn̄ hat noch den hebreiſchē worheit gehan. Mdclvj. jor noch den. lxx. vſlegern alß yſidorꝰ ſetzt vn̄ vil ander denē wir nochuolgent hat es gehan. ijᵐccxlij. alſo ſind ſü vneins in. dlxxxvj. jorē die die hebreiſchēminder hand in dem alter. vnd noch der rechnūg iſt Matuſale geſtorben vor dem ſint/fluß doch in dem ſelben jor alß der ſintfluß was. Das ander alter hat angefangen am ſintfluß vnd hat gewert bitz an die gebuͦrt Abrahe. vnd hat noch dē hebreiſchen gehan.cclxxxxij. jor noch den. lxx. dccccxlij. jor alſo ſind ſü vnhellick. dcl. joren die aber diehebreiſchen minder hand ich hab ouch nit moͤgen finden vrſach ſo groſes vnhelikeitDas drit alter hebt an an der gebuͦrt Abrahe vnd wert bitz zuͦm anfang des richs Dauid vnnd halt noch den hebreiſchen. dccccxlj. jor noch den. lxx. cccclxxxv. Das vierdalter hebt an an dem anfang des richs Dauid. vnd werd bitz zuͦ der durchgeung Babiloni vn̄ halt. cccclxxxiiij jor. noch dē hebreiſchen. noch dē. lxx. cccclxxxv. Das fünfftalter hebt an an der durchgangung babilon alß iheruſalem zerbrochen ward vnnd dertempel dor in erzünt ward vnd wert bitz an die wolgeſegenet gebuͦrt chriſti. vnd heltnoch der vorgeſeiten wiß. der wir volgent. dxc jor. vnnd alß vorgeſeit iſt. es iſt eingroͤſer ſpan. von der rechnung der jor des alters wen vil rechnent vff mancherley wißdoch ſind ſü nit vaſt vnhellig vndereinand̓ erwele ein yedlicher was im gefelt wir handgeſatzt was vns gedunckt hat. Das ſechſt alter hebt an an der gebuͦrt chriſti vn̄ werdbitz zuͦ end der welt des end weiß allein got wirt ouch genād das alter od̓ die letzt ſtūdtGot hat dor vmb alß menſchlich geſchlecht vō eim menſchen woͤllen ordiniern daser vns loß ein gedechtniß wie genem im ſige in einer wile einikeit die ſelb betrachtungiſt vaſt nutz den vßerwelten die zuͦgeſellet werden denn heiligen engelnn in dem ewigen friden. aber die menſchen hand abgenūmen durch ſo groß grimmikeit ſündens dasfridſaͤmlicher vnd ſicherer vnuernünfftige tier byeinand̓ lebent. fürwor lowen ode̓ trachē hād nye ſoͤlich ſtrit zwiſchen einander alß menſchen gefuͦrt. got hat lieb das bandeinhellikeit das Auguſtinus am. xij. von der ſtat gots.
