Iheremie Die Veiſſagung. ich hab dich gegeben ein kind vnder den leuten. eynen verſchmehlichen vnder dē menſchen. Dein uͤbermuͦt hat dich betrogen. vnd dye hohfart deins hertzen. der du woneſt in den hoͤlern der ſtein. vnnd fleyſeſt dich zuͦ begreyffen die hoͤh des buͤhels. So du erhoͤhſt deyn neſt als der adler. vō dannen zeuh ich dich. ſpricht der herre Vn̄ ydumea wirt wüſt. Eyu yegklicher der do übergeet durch ſie der erſchricket. vnd wiſpelt uͤber all ir wunden. ſye iſt verkeret als ſodoma vn̄ gomorra. vnnd ir nehſt ſtett. ſpricht der herre. Da wirt nicht wonen der mann vn̄ der ſun des menſchen wonet nicht in ir Seht er ſtey get auff als der leo vō der hohfart des iordans zuͦ der ſtarcken ſchoͤn. wan gehling mach ich in lauffenzuͦ ir vn̄ wer wirt erwelt wen ſetz ich ir fuͤr Vn̄ wer iſt mein geleych. Vnd wer enthelt mich Vnnd wer iſt der hirt der do widerſtee meim antlytz. Darūb hoͤrt den rat des herren. den er eingieng vō edom. vn̄ ſein gedācken. die er gedacht vō dē inwonern theman Ob ſie nitt außwerffen dye kleinen der herde. nuͤr ſie verwuͤſten ir wonūg mit in. Die erd iſt bewegt von der ſtym irs vals. der ruͦff irer ſtym iſt gehoͤret in dem roten meer. Seht er ſteyget auff als der adler. vn̄ fleugt hin vn̄ breitet ſein flügel uͤber bozra Vnd an dē tag wirt das hertz der ſtarcken ydumee. als das hertz eines geberenden weybs zuͦ da maſcum Emat iſt geſchendet vnd arfath. wann ſie horten ein boͤß gehoͤrd Sie ſind betruͤbt in dē meer. ſy mochten nit ruͦen vor ſorgē Dama ſcus iſt zerfloſſen. ſy iſt gekert in dye flucht die vorcht begriff ſy die angſt vn̄ die not hieltē ſy als ein geberēde In wellicherweiß ließen ſy dy loͤbli che ſtat. die ſtat der glori. Darūb ir iungen vallen in iren gaſſen. vn̄ al le man̄ des ſtreytes ſchweygē an dē tag. ſpricht der herr der heer Vn̄ ich zuͦnd an das fewr in der maur damaſci. vn̄ es verwüſtet die zynnen benedab. Zuͦ cedar vn̄ zuͦ dē reychen aſor die nabuchodonoſor der künig der babilonier erſchluͦg Diſe dinng ſpricht der herre Steet auff. vn̄ ſtey geet auff zuͦ cedar. vn̄ verwüſtet die ſün des auffgangs der ſunnen Sie nemen ire tabernackel. vnd ir herd Sie nemē in ire vell. vn̄ all ire vaß vn̄ ire kemeltyer. vn̄ ruͤffen uͤber ſye die vorcht in irem vmſchweiff Flie het. geet hin ſtercklich. ſitzet in den zerſtoͤrtē hoͤllen. die ir wonet inaſor ſpricht der herr Wann nabuchodonoſor der künig der babilonier iſt eingangen einē rat wider euch. vn̄ hatt gedacht dye gedancken wider euch. Steet auff vnnd ſteyget auff zuͦ dē gerwetten volck. vn̄ zuͦ dē. das da wonet zuͦuerſihtigklich ſprichet der herr. In ſeyn nicht türe noch rigel. ſie wonen allein. vnd ire kemeltyer werden in beraubūg. vn̄ die menig der vih in einen raub. vn̄ ich wil ſie zerſtrewen in einē yegklichen wind die da ſind beſchorē an dem har Vn̄ ich will zuͦfüren auß allen anſtoſ ſenden enden. dē tod über ſie ſpricht der herre Vnnd aſor wirdt wuſt in einwonung der tracken vntz ewigklich Da beleybt nit der man. noch der ſun des menſchē Ditz iſt dz wort des herren. das da iſt gethan zuͦ ihe renam wider elam in dez anfang des reychs ſedechie des kuͤnigs iuda ſagēd. Diſe ding ſpricht der herr der
zum Hauptmenü