Propheten Des IIII. vonn mir in allen iren abtgottern vnd in der menig irer vnreinigkeyt Darūb ſprich zuͦ dē hauß iſrael Diſe ding ſpricht der herr gotwerdet beke rt vn̄ ſcheit euch vō ewern abgotern vnnd abkert ewerantlitz von allen ewern vermaligungen. Wann der menſch. der menſch von dem hawß iſrahel. vnd von dem newen bekert­ten ein yegklich frembder in iſrahel ob er ſich fremdet von mir. vnd ſetz et ſein abgotter in ſeim hertzen. vnd ſtellet die ſchand ſeiner miſſetat wy der ſein antlitz vnd kumbt er zuͦ dez weiſſagen/ das er mich frag durch in II ich der herre/ ich ſelb antwurt im/ vn̄ ſe ſetz mein antlitz uͤber den menſchen vnnd ich mach in zuͦ eim exempel vn̄ zuͦ eim ſprichwort/ vnnd zerſtrew in von der mitte meines volcks/ vnnd ir werdet wiſſen. das ich bin der herr Vnnd ſo der weiſſag irret vnd redet du das wort/ ich der herre ich betrug den weiſſagen Vnd ich ſterck mein hād vn­auff in. vnd vertylg in von der mit te meines volcksiſrahel/ vnd ſie tra­gen ſein miſſetat. Nach der miſſetat des fragenden. alſo wirt die miſſe­tat des weiſſagen/ das das hauß iſra hel fuͤrbas nit irr von mir/ noch wer de vermaliget in allen ſeinen uͤber­geeungen/ aber das ſye mir ſeien zuͦ e einem volck/ vnnd ich in ſei zuͦ einem got/ ſpricht der herr der ſcharen/ Vn̄ das wort des herren iſt getan zuͦ mir ſagend/ Du ſun des menſchen/ So mir das land ſundet/ das es uͤberge­ed uͤbergee ich ſtreck mein hād uͤber es vnd zerkniſche die rut ſeines bro­tes. vnnd ich laß den hunger in es vnnd ſchlah von im den menſchen vnd das vih vnnd ob diſe drey man̄ in weren in ſeiner mitte noe. daniel vn̄ iob. ſie erloͤſen ir ſel mit irer gerechti­keit. ſpricht der herr derſcharen Vnd ob ich einfüer die boͤſten tyer uͤber dz land. das ſie verwuͤſten vnd wuͤrde ein abweg vmb dye tyer. darumb das der uͤbergeend nit ſei. vnnd dieſe drey mann die do weren in im. Ich leb ſpricht der herr got das ſie nit er­loͤſen dye ſün noch die toͤchter. aber ſie ſelb allein werden erloͤßt/ aber dz land wirt verwuſtet Oder ob ich ein fuͤr das waffen uͤber das land/ vnnd ich ſprich zuͦ dem waffen/ gee durch das land/ vnnd ich erſchlag von im den menſchen vnd das vih/ vnd diſe drey man weren in ſeiner mitte/ Ich leb ſpricht der herr gott/ ſie erloͤſen nit die ſun/ noch die toͤchter/ aber ſie ſelb werdē allein erloͤßt Ob ich aber ſend den ſchelm uͤber das land vnd geuß auß meyn vnwirdigkeit uͤber es/ in dem blut das ich abnem von im den menſchen vnd das vih/ vnnd ob do weren noe daniel/ vnd iob/ in ſeiner mitte Ich leb ſpricht der herr got ſie erloſen nit die ſuͦn noch die tochter. Aber ſie ſelbs erloſſen ir ſelen in irer gerechtigkeit wann diſe ding ſpricht der herre got Vnnd ob ich ia ſende in iheruſalem meyn vier boßten vrteil das waffen/ vnnd den hunger/ vnnd die boßſten tyer/ vn̄ den ſchelm oder peſtillentz das ich erſchlah von ir den menſchen. vnd das vih iedoch wirt gelaſſen in ir die behaltung/ der auß fuͤrenden die ſuͤn vnnd die tochter­Seht ſie ſelbs geen auß zuͦ euch/ vn̄ ir ſeht iren weg vnnd ir vindungen vnd ir werdet getroſtet uͤber dz boß das ich hab eingefüret zuͦ iheruſaleꝫ in allen dingen. die ich hab eingetra gen über ſye vnnd ſye werden euch troſten/ ſo ir werdet ſehen iren weg­