Ezechielis Die Veiſſagung tunckle Vnd ich fuͤr ſie auß von den wolcken vnd ſamel ſie von den lan­den. vnnd fuͤre ſie in ir land. vnd ich weyden ſie an den bergen iſrahel. in den bechē. vnd in allē ſtuͦlen der erd Vn̄ ich weydē ſie in fruchtbern wey den. vnnd an den hohen bergen iſra hel werden ir weyde. Do ruen ſie in gruͤnen kreutern/ vnd ſie werden ge weydēt in veyſten weyden auff den bergen iſrahel Ich wil weyden mey ne ſchaff vnd wird ſie heyſſen ruwen ſpricht der herr got Das do verdarb das ſuch ich. vnnd das da was ver­worffen. das widerfuͤr ich. vnd das do was zerbrochen das bind ich. vn̄ das do was ſiech. das ſterck ich. vnd das veyſt. vnd das ſtarck. das be­huͤt ich. vnd ich weyden ſie in dez vr teyl Aber ir ſeit mein herd. diſe ding ſprich der herre got. Seht. ich vrteyl zwiſchen dem vih vnd dem vih zwi­ſchen den widern vnnd den boͤcken. Was es euͦch denn nit gnug abze­weyden die guͦten weyde. Vnnd hier­über zertrettet ir die beleibung ew­ern weyden mit ewren fuͤſſen. vnnd do ir trancket das reiniſt waſſer. das ander betruͤbt ir mit ewern fuͤſſen. Vnnd mein ſchaff wurden geweydet mit den dingen. die do wurden ver­tretten mit ewern fuͤſſen. vnnd dye ding die ewer füß betruͤbten. tranck­en ſie Darumb diſe ding ſpricht der herre got zuͦ ewch. Seht. ich ſelb vr­teyl zwiſchen dem veyſten vih. vnd dem magern. darumb das ir zuͦhaff tet den ſeyten. vnd den achſeln. vnd zerſtrewtet alle krancke vih mit ew ern hoͤrnern. biß das ſie wurden zer­ſtrewet hinauß. ich mach behalten meyn herde. vnd ſie wirt nit fuͤrbas zuͦ eim raub. vnd ich vrteyl zwiſchē dem vih vnd dem vih Vnd ich wil erkücken uͤber ſie ein hirtē dauid mei nen knecht der ſie weyde. erſelb wey­det ſie. vnd erſelb wirt in zuͦ eym hir ten Aber ich der herr wird in zuͦ einē got. vnd dauid meyn knecht iſt eyn fuͤrſt in irer mitte Vnnd ich der herr ich hab es geredt Vnd ich mach mit im das geluͤbd des fryds. vnnd ich wil machen. das auffhoͤren die boͤß­ſten tyer von dem lande die do wo­nen in der wuͤſte. die ſchlaffen ſicher in den welde. vn̄ ich ſetz ſie einennē ſe gen in dez vmbkreyß meyns buͦhels ich zuͦfuͤr den regen in ſeiner zeyt vn̄ es werden regen des ſegens Vnd dz holtz des ackers gibt ſein frucht. vnd die erde gibt ir bluͦmen. vnd ſie wer­den wiſſen das ich bin der herre gott ſo ich zerkniſch die ketten ires iochs. vnd ſie erledige von der hand. der die in herſchen Vnnd ſie werden nit fuͤrbas zuͦ eim raube den heydē noch die tyer des ackers verwuͤſtē ſie Aber ſie werden wonen zuͦuerſichtigklich on alle vorcht Vnd ich wil in erkü­cken ein namhafte blumen. vnd ſie werden furbas nit gemyndert mit dem hunger in dem land noch tra­gen fuͤrbas das laſter der heydē Vn̄ ſie werden wiſſen das ich der herre wird mit in. ir gott. vnnd ſie meyn volck. hauß iſrahel ſpricht der herre got Wann ir ſeit mein herd die her­de meyner weyd. Vnnd ich der herr ewer gott ſpricht der herre gett. Das X. Capit. Wie der prophet gedencket der zer­ſtoͤrung der idumeer.