Ezechielis Die Veiſſagug den vmbkreyß Darumb diſe dinng ſpricht der herre got Wann ich hab geredt in dē fewr meiner rach vō an dern leuten. vnd vō allem ydumea die in gaben mein erde zuͦ einez erb mit dē waffen vn̄ mit gantzē hertze. vnnd auß dem gemüt. vnndwurffen auß. dz ſy es verwuͤſten. darūb weiß ſag über das land iſrahel. vn̄ ſprich zu den bergen. vnd zuͦ den büheln. vnd zuͦ den hoͤhen der berge vn̄ zuͦ den talen Diſe dinng ſpricht der her re got Darumb dz ir ſeyt gelaſſen. Seht ich hab geredt in meim neide vn̄ in meiner vnwirde. Darūb das ir habt erlitten die ſcham der heiden Darumb diſe ding ſpricht der herre got Ich huͦb auff mein hand zuͦ dē leuten. die do ſeind in ewerm vmbkreyß. das ſie ſelb tragen ir ſchand. aber ir berg iſrahel werdet bringen ewer eſte. vnd bringet ewer frucht. mein volck iſrahel. Wann es iſt na hend das es kum. Wan̄ ſeht. ich ker zuͦ euch vn̄ ich ker wider zuͦ euch. vn̄ ir werdet geackert vnd empfaht dē ſamen. vn̄ ich manigualtig in euch die menſchen. vnnd alles hauß iſra hel. Vnnd die ſtet werden ein gewonet. vnd die gefallen ding werden widergebawen. vnnd ich erfüll euch mit lewten vnd mit vihen. vnd ſie werden gemanigualtiget vn̄ wach ſen. Vnd ich mach euch wonen als vō dē anfang vnnd ich gib euch me rer guͦt. denn ir het von dez anfang vnd ir werdet wiſſen dz ich bin der herr. Vnnd ich zuͦfuͤr über euch die menſchen mein volck iſrahel. vnd ſie beſitzen dich in ein erb Vnnd du wirdeſt in zuͦ eim erbe. vnd zuͦ legeſt nit fürbas das du ſeyſt on ſie. Diſe ding ſpricht der herre got Darumb das ſie ſprechen vō euch. du biſt eyn verſchlinderin der menſchen. vn̄ erſteckeſt dein volck. darūb yſſeſt du nit fürbas menſchē. noch erſchlechſt fürbas dein volck. ſpricht der herre got. Ich mach nit fürbas zuͦhoͤrn in dir die ſcham der leute. vnd in kei nerweyß tregſt du fürbas das laſter der voͤlcker vnd verleureſt nit dein leut fürbas ſprichet der herre gott. Vnd das wort des herrē iſt gethan zuͦ mir. ſagend Sun des menſchen. das hauß iſrahel. wonten in irē lan de. vnd vermeyligten es in iren wegen. vnnd in iren lernungē. Ir weg iſt gemacht vor mir nach der vnrey nigkeyt eins krancken weybs. vnd ich goße auß meyn vnwirdigkeyt uͤber ſie. vmb das bluͦt. dz do iſt ver goſſen auff der erde Vnd ſie vermey ligten ſie in iren abgoͤttern. vnnd ich zerſtrewet ſye vnder die heiden vnd ſy ſeind zerſtrewet in die lande. ich hab ſie geurteylet nach irē wegē. vn̄ nach iren newen findungen Vnnd ſie giengen ein zuͦ den leuten. zuͦ dē ſie eingiengen. vnnd ſie vermeyligtē meinē heiligen namen. do man ſaget von in ditz iſt das volck des her ren. vnd ſye ſind außgegangen vō irē land Vnd ich ſchonet meins hey ligē namē den dz hauß iſraelhet ver meyliget vnder den heydē zuͦ den ſy waren eingegangē. Darumb ſprich zuͦ dem hauß iſrahel Diſe ding ſprichet der herre got Hauß iſrahel. ich thuͦ nit vmb euch. aber vmb meinheiligen namē. den ir habt vermeyliget vnder den heiden zuͦ den ir ein gienget Vnd ich heilige meinē groſen namē. der do iſt vermeyliget vn̄ der den heydē. den ir habt vermeylſ get in ir mitt. dz die lewt wiſſen. dz
zum Hauptmenü