"Ich meie wil din bluomen mîn verbieten Dien rosen rôt den liljen wîz Daz siu sich vor ir sliezen zuo." "Sô wil ich sumerwunne mich des nieten, Der klînen vôgelîn suͤzer vlîz Daz der gegen ir ein swîgen tuo." "Ich heide breit wil vâhen Sî: swenne sî wil nâh glanzen bluomen gâhen Ûf mich(ich) wil ich sî halten dir." (om. cod. Paris ) ich Ben. "Nû sî von uns ir widerseit der guͦten" "Sus muͦs sî sîn genaedic mir." – 4 – "Ich brehender klê wil dich mit schîne rechen Swenne sî mich an mit ougen siht Daz sî vor glaste schilhen muoz." "Ich gruener walt wil abe mîn loiber brechen Hât sî bî mir ze schaffenne iht, Sî gebe dir danne holden gruoz." "Ich sunne wil durhitzen Ir herz ir muot: kein schattehuot viur switzen Mac ir gen mir gehelfen niht, Sî welle dînen senden kumber swenden mit herzelieber liebe geschiht."
– 3 –